Postuar nga: Elton Qyno

Lajm 16 May 2019

Ish-zyrtarët e Kavajës shpallen fajtorë për falsifikimin e pronave në bregdet

Ish-kryeregjistruesi i Kavajës, Seid Cikalleshi dhe tetë zyrtarë të tjerë u dënuan me 18 vite burg gjithsej për skemën e falsifikimit të pronave shtetërore në zonën e Spillesë, të cilat i përfituan familjarët e Elvis Roshit dhe drejtuesve të tjerë lokalë.

Lajm 22 Mar 2019

Tjetërsimi i 36 hektarëve në Spille, prokuroria kërkon 28 vjet burg

Prokuroria kërkoi 28 vjet burg për 9 zyrtarë përfshi ish-kryeregjistruesin e Kavajës dhe fshirjen nga hipoteka të pronave të falsifikuara në Spille.

Lajm 16 Feb 2019

Lanë të lirë të kërkuarin, arrestohet një punonjës i policisë, shefi i komisariatit në kërkim

Një punonjës i policisë së Kukësit u arrestua, ndërsa prokuroria ka kërkuar edhe arrestimin e shefit të komisariatit dhe masë sigurie detyrim paraqitje për 2 efektivë të tjerë. Ata akuzohen se lanë të lirë Naser Gashin i dënuar për trafik droge.

Analize 9 Feb 2019

Komisionerët e disa partive akuzohen për falsifikimin të zgjedhjeve parlamentare

Prokuroria e Kavajës ka dërguar për gjykim 10 komisonerë nga 4 parti,  të akuzuar për falsifikimin e rezultatit në zgjedhjet parlamentare 2017.

Investigim 28 Dec 2018

E treta e vërteta; akuzat publike rihapin hetimet ndaj biznesmenit Mond Bega

Për herë të tretë në 8 vjet, organi i akuzës po merr në sitë pasurinë e biznesmenit kontrovers Mond Bega – i dënuar një dekadë më parë në Itali për krim të organizuar dhe trafik lëndësh narkotike, i cili gjendet në qendër të akuzave të opozitës për ndikim të paligjshëm tek zyrtarë të lartë për përfitimin e lejeve të ndërtimit dhe të tenderëve publik.

Analize 21 Dec 2018

Amnezi dhe falsifikime: Skema e tjetërsimit të pronave në Shëngjin

Gjykata e Lezhës miratoi dërgimin në gjyq të dosjes në të cilën akuzohet kryebashkiaku Fran Frrokaj dhe 19 persona të tjerë për tjetërsimin e rreth 298 mijë metrave katrorë në bregdetin e Shëngjinit. Hetimet e prokurorisë tregojnë se të njëjtët njerëz u përfshinë edhe në tjetërsimet për të cilat akuzohet ish-deputeti i PS, Arben Ndoka e të tjerë. Të pandehurit mohojnë akuzat.

Analize 4 Nov 2018

Gjykata “luan futboll” me dosjen e pronave në Kavajë

Prokuroria e Kavajës pretendon se ka kryer hetime të mjaftueshme për të çuar në gjyq 9 të akuzuar për tjetërsimin e 36 hektarëve në bregdetin e Spillesë, por gjykata i cilësoi hetimet të paplota dhe shtyu me tre muaj fillimin e procesit, ndërsa në të njëjtën kohë lehtësoi masat e sigurisë për të akuzuarit.

Investigim 19 Oct 2018

U inaugurua nga Rama me polifoni, por rruga e Lumit të Vlorës nisi si “ndërtim i paligjshëm”

Një hetim i Prokurorisë së Vlorës zbulon se një rrugë e inauguruar në prag të fushatës elektorale të 2017 nisi si ndërtim pa leje, ndërkohë që administratorët e kompanive nënkontraktore akuzohen edhe për falsifikim dokumentesh dhe shfrytëzim të paligjshëm të lumit. Çështja dërgohet në gjyq, ndërkohë që të pandehurit i mohojnë akuzat.  

Lajm 11 Oct 2018

Mbi 100 HA në Nartë u tjetërsuan përmes falsifikimit të një vendimi gjykate

Prokuroria e Vlorës thotë se i akuzuari Pullumb Petritaj dhe një ish punonjëse e ZVRPP-së Vlorë, falsifikuan dokumentet për të tjetërsuar 100 hektarë tokë në “Grykën e Pashës” në Nartë. Sipas akuzës për këtë qëllim ishte falsifikuar një vendim gjykate i vitit 1997, regjistri i pronave dhe po ashtu ishte kryer një shit-blerje fiktive mes Petritajt dhe të bijës. 

Lajm 1 Oct 2018

Hetimi ndaj Rexhep Rrajës u “ringjall” vetëm pas denoncimit publik të Nuhut

Kërkesa e prokurorisë për masë sigurie ndaj Rexhep Rrajës tregon se megjithëse ngjarja kishte ndodhur në korrik, veprimet kryesore hetimore si administrimi i ekspertizës mjeko-ligjore apo i ekspertizës së celularit të vajzës u bënë pas denoncimit publik të oficerit Nuhu-duke çuar në kërkesën për masë sigurie.  

Më shumë