Lajm25 Nov 2021

KPK shkarkon nga detyra gjyqtarin Rexhep Karaj

Gjyqtari i Matit Rexhep Karaj u shkarkua nga detyra për probleme në kriterin e pasurisë.

Autor: Edmond Hoxhaj BIRN Tiranë
Printo

Seanca e shpalljes së vendimit për gjyqtarin, Rexhep Karaj | Foto: E. Hoxhaj

Komisioni i Pavarur i Kualifikimit, KPK shpalli të enjten vendimin e shkarkimit nga detyra të gjyqtarit të Matit, Rexhep Karaj. Ashtu si dhe në dy seancat e mëparshme dëgjimore, Karaj nuk u paraqit as në seancën për shpalljen e vendimit.

Procesi i vetingut për gjyqtarin Karaj u krye nga trupi gjykues i kryesuar nga Etleda Çiftja, me relator Roland Ilian dhe anëtare Firdes Shulin.

Hetimi administrativ u përfundua vetëm për kriterin e pasurisë ku u evidentuan probleme të shumta dhe një balancë negative në shumën totale 7.8 milionë lekë.

Rexhep Karaj e ka filluar karrierën në sistemin e drejtësisë në vitin 1995 dhe punoi prej më shumë se dy dekadash si gjyqtar në Gjykatën e Matit.

Leave a Reply

Your email address will not be published. Required fields are marked *