Reportazh28 Jun 2018

Misteret e gadishullit të Karaburunit (Foto)

Shpella të stërmëdha dhe shkrime marinarësh në vështirësi, këto janë ndoshta vendet më të bukura në Shqipëri dhe më të vështirat për t'u arritur. 

Autor: Gjergj Erebara BIRN Karaburun
Printo

2. Plazhi i Gramës i parë nga një faqe shkëmbi me mbishkrime të lashta dhe të sotme. Në të kuqe janë mbishkrimet e dekadave të fundit. Foto: BIRN

Një gisht toke që del në det, gadishulli i Karaburunit nuk është asgjë tjetër veçse shkëmbor.

Për aq sa shqiptarët mbajnë mend, ai është përdorur si një kullotë dimërore për dele dhe dhi; plazhet e vogla të bukura, më së shumti në anën perëndimore, dalin në lajme më së shumti si baza të fshehta për trafikantët e kanabisit ndërsa shumica e tyre janë të aksesueshme vetëm me varkë ose përmes një ecjeje të gjatë e të lodhshme.

Ato kanë emra që ngjallin ndjenjën e misterit – njëri quhet Gramata, ose Gjiri i Shkrimeve, një tjetër është i njohur si Gjiri i Raguzës, një qytezë në Sicili dhe emri me të cilin njihej më parë qyteza e Dubrovnikut kur ishte një qytet-shtet.

Një pllajë mbart emrin Ravena, emër i një qyteti tjetër italian.

Pak rrugë të paasfaltuara të hapura nga ushtria shqiptare ecin përgjatë anës lindore të gadishullit, por ato janë ende të paaksesueshme për civilët për shkak se baza e Pasha Limanit e flotës detare shqiptare gjendet në krye të rrugës.

Mënyra e vetme për të mbërritur në plazhet e virgjëra të Karaburunit është përmes gomoneve. Këto janë foto nga dy udhëtime të vitit të kaluar.

Udhëtimi i parë u nis nga gjiri i Vlorës me një kosto prej 2,500 lekësh për person, udhëtim që na çoi në Shpellën e Haxhi Aliut dhe në një nga të paktat plazhe në anën lindore të gadishullit, ku një restorant i vogël shërben mish ose peshk zgare, sallatë, djathtë të fortë të bardhë të zonës dhe patate të skuqura.

Në cepin verior të gadishillit, rreth 15 kilometra nga Vlora, shpella e Haxhi Aliut është kaq e madhe sa mund të mbajë një anije të vogël se disa gomone njëherësh. Zakonisht nevojiten 30 minuta për të mbërritur atje, në varësi se sa shpejt është i gatshëm të ecë kapiteni.

Ky është një vend i mbushur me mite mbi piratë dhe tregime më moderne për trafikantë droge apo trafikantë qeniesh njerëzore që e përdorën atë për t’u fshehur si nga moti i keq ashtu edhe nga policia.

Ka disa gomone që nisen çdo ditë gjatë verës; vizitorët mund të notojnë në ujërat me salinitet të lartë ndërsa dritat vallëzojnë në tavanin e stërlartë të shpellës.

Udhëtimi i dytë na dërgoi nga fshati Dhërmi në anën tjetër të gadishullit të Vlorës te Shpella Blu dhe te Gjiri i Gramatës, ose i Gramës, ndoshta vendi më i bukur në bregdetin shqiptar.

Varkat drejt Gramatës janë më të rralla dhe më të shtrenjta; në kontrast me ujërat e qeta të Gjirit të Vlorës, Deti Jon dhe Kanali i Otrantos është shpesh i egër. Udhëtimi mund të kushtojë rreth 150 euro për deri në gjashtë apo shtatë vetë.

Mënyra tjetër e mundshme për të mbërritur është një marshim i gjatë përmes një shtegu të ngushtë nga plazhi i Rrugëve të Bardha por kjo mund të zgjasë deri në gjashtë orë dhe duhet të kujdesesh të marrësh ujë me vete.

Gjiri i Gramatës është e vetmja zonë e mbrojtur nga stuhitë në një segment brigjesh shkëmbore dhe e ka marrë emrin nga mijëra shkrime dhe simbole të gdhendura në gurë nga marinarët që kanë falënderuar zotat e tyre prej mijëra vitesh.

Studiuesit kanë identifikuar gjuhë të ndryshme në shkëmb, përfshirë greqiste të lashtë dhe të mesjetës si dhe latinisht. Studiuesit në fillim të shekullit të 20 menduan se disa prej shkrimeve i përkasin civilizimit etrusk në Italinë e lashtë.

Disa nga mbishkrimet janë shuar me kalimin e kohës ose janë vjedhur, ndërsa të tjera janë vandalizuar nga vizitorë të mëvonë, përfshirë rekrutë të ushtrisë shqiptare që shërbyen aty kur Shqipëria ishte një vend komunist.

Përveç fjalëve, shkëmbi mbart edhe shenja heraldike, duke i dërguar udhëtarët e kohës sonë shekuj më pas. Ata bëhen dëshmitarë të një fakti tashmë shpesh të harruar – se udhëtimi me det është i rrezikshëm.

Shpella e Haxhi Aliut fotografuar në gusht 2017. Foto: Gjergj Erebara/BIRN

Shpella e Haxhi Aliut fotografuar në gusht 2017. Foto: Gjergj Erebara/BIRN

Plazhi i Shën Vasilit në begun lindor të Karaburunit.

Plazhi i Shën Vasilit në begun lindor të Karaburunit.

Ndërtimi i një resorti në brigjet e Karaburunit.

Shpella Blu gjendet rrugës nga Dhërmiu për në Gjirin e Gramës. Ndonëse më e vogël se sa ajo e Haxhi Qamilit, Shpella Blu është mjaftueshëm e madhe sa për një skaf. Foto: Gjergj Erebara/BIRN

Shpella Blu gjendet rrugës nga Dhërmiu për në Gjirin e Gramës. Ndonëse më e vogël se sa ajo e Haxhi Qamilit, Shpella Blu është mjaftueshëm e madhe sa për një skaf. Foto: Gjergj Erebara/BIRN

Gjiri i Gramës ka qenë përdorur në lashtësi si gurore dhe kjo dallohet nga prerja vertikale e këtij shkëmbi. Foto: BIRN

Një yll deti në Gjirin e Gramës. Foto: BIRN

Gjiri i Gramës parë nga një restorant modest që u shërben vizitorëve të paktë të zonës. Foto: BIRN

Mbishkrime të vjetra dhe të reja në Gjirin e Gramës, fotografuar në gusht 2017. Foto: Gjergj Erebara/BIRN

Shkrime të vjetra dhe të reja në faqet shkëmbore të Gjirit të Gramës. Foto: BIRN

Shkrime të vjetra dhe të reja në faqet shkëmbore të Gjirit të Gramës. Foto: BIRN

Shkrime të vjetra dhe të reja në faqet shkëmbore të Gjirit të Gramës. Foto: BIRN

Shkrime të vjetra dhe të reja në faqet shkëmbore të Gjirit të Gramës. Foto: BIRN

Shkrime të vjetra dhe të reja në faqet shkëmbore të Gjirit të Gramës. Foto: BIRN

Shkrime të vjetra dhe të reja në faqet shkëmbore të Gjirit të Gramës. Foto: BIRN

Shkrime të vjetra dhe të reja në faqet shkëmbore të Gjirit të Gramës. Foto: BIRN

Shkrime të vjetra dhe të reja në faqet shkëmbore të Gjirit të Gramës. Foto: BIRN

Shenja heraldike në faqet shkëmbore të Gjirit të Gramës. Foto: BIRN

Shenja heraldike në faqet shkëmbore të Gjirit të Gramës. Foto: BIRN

Shenja heraldike në faqet shkëmbore të Gjirit të Gramës. Foto: BIRN

Shenja heraldike në faqet shkëmbore të Gjirit të Gramës. Foto: BIRN

Shenja heraldike në faqet shkëmbore të Gjirit të Gramës. Foto: BIRN

Shenja heraldike në faqet shkëmbore të Gjirit të Gramës. Foto: BIRN

Shenja heraldike në faqet shkëmbore të Gjirit të Gramës. Foto: BIRN

Shenja heraldike në faqet shkëmbore të Gjirit të Gramës. Foto: BIRN

Shpella e Haxhi Aliut fotografuar në gusht 2017. Foto: Gjergj Erebara/BIRN