Të dhëna të marra nga BIRN nga dy sondazhe tregojnë se publiku beson se korrupsioni mes policëve është i gjithëpërhapur.
Dy sondazhe të kryera nga Instituti për Demokraci dhe Ndërmjetësim, IDM, të kryera mes shkurtit dhe marsit 2013 por ende të papublikuara tregojnë se 51 për qind e publikut beson se korrupsionio mes policisë është në nivele të konsiderueshme.
Rreth 25 për qind besojnë se ekziston por nuk është në nivel serioz ndërsa 16 për qind thonë se ai ekziston por është në raste të izoluara. Vetëm 1 për qind thonë se nuk ka fare korrupsion.
IDM kreu dy sondazhe, njërin me një kampion nga popullsia e përgjithshme dhe një tjetër, me një kampion mes vetë forcave të policisë.
Policët e pyetur thanë se korrupsioni ekziston, por në një nivel më të ulët: 12.3 për qind të tyre e përshkruanin si të konsiderueshëm, 32.6 për qind në nivel jo serioz dhe 37.1 për qind si fenomen i rasteve të izoluara. Vetë, 6.6 për qind deklaruan se nuk ka korrupsion fare.
Arjan Dyrmishi, një ekspert sigurie në IDM, thotë se korrupsioni mes oficerëve të sigurisë pa një ndikim shumë më të madh mbi shoqërinë se sa korrupsioni mes zyrtarëve të tjerë të administratës publike dhe për rrjedhojë meriton vëmendje më të madhe.
“Forcat policore nuk janë si mjekët, për shkak se janë agjencia e vetme qeveritare që ka të drejtë të përdorë dhunën,” thotë Dyrmishi.
“Nëse 30 për qind e oficerëve të policisë janë të korruptuar, ky është një problem më i madh se s atë pasurit 60 për qind mjekë [të korruptuar] për shkak se policia është gjithashtu përgjegjëse për luftën kundër korrupsionit,” shtoi ai.
Dyrmishi vëren se korrupsioni në polici në Shqipëri është trajtuar si një problem individual por duhet të shikohet si një fenomen i të gjithë organizatës.
“Nëse pesë oficerë të korruptuar identifikohen në një njësi, vëmendja duhet të zhvendoset te organizata [e forcave të policisë] gjë që nuk ka ndodhur kurrë në Shqipëri deri tani,” theksoi ai.
Një zëdhënës për Ministrinë e Brendëshme refuzoi të komentojë për BIRN gjetjet e vrojtimit.
Pavarësisht nivelit të lartë të korrupsionit të perceptuar, të dhënat e policisë së shtetit të mbledhura nga IDM tregojnë se numri i policëve të denoncuar për korrupsion dhe numri i oficerëve të arrestuar për korrupsion ka rënë nga viti 2006 deri më 2013.
Në vitin 2006, 71 oficerë policie u arrestuan për korrupsion por më 2013 të arrestuarit qenë vetëm 23.
Të dhënat e agreguara nga të dyja sondazhet sugjerojnë se policia rrugore konsiderohet si njësia më e korruptuar në policinë e shtetit dhe se ryshfeti është forma më e gjithëpërhapur e korrupsionit.
Sipas vrojtimeve, pagat e ulëta të policisë identifikohen si shkaku kryesor i korrupsionit. Si policia ashtu edhe publiku kanë shumë pak besim te sistemi i drejtësisë, partitë politike apo prokuroria si forca efikase te lufta kundër korrupsionit.
Si publiku i gjerë dhe kampioni nga oficerët e policisë të pyetur thanë se ata shpesh nuk qenë të gatshëm të denonconin rastet e korrupsionit mes rradhëve të oficerëve të policisë.
