Politika pas plehrave: Kush është biznesmeni në hije i monopolit të inceneratorëve

I afërt me ish-ministrin e Financave, Arben Ahmetaj dhe me lidhje në të dyja krahët e politikës, Mirel Mërtiri qëndron në hijen e koncesioneve të mbetjeve në Shqipëri përmes një rrjeti kompanish satelite. Ai tentoi të replikonte të njëjtin model në Afrikë, por atje zyrtarë të lartë përfundojnë në pranga.

Rruga “Egnatia” thith miliona dollarë shtesë, ndërsa fundi nuk duket

E inauguruar në vitin 2009, rruga Qukës –Qafë Plloçë është kthyer në një “gropë” fondesh pas ndryshimeve të shpeshta të projektit me kosto të shtuara në rreth 77 milionë dollarë nga kontrata fillestare -ndërkohë që nuk dihet ende se kur do të përfundojë.

Zbulimi arkeologjik u “gërrye” me ekskavator gjatë karantinës

Gjatë periudhës së izolimit të imponuar nga pandemia e COVID-19, institucionet e mbrojtjes së trashëgimisë kulturore akuzohen se dështuan të monitoronin aktivitetin e sipërmarrjeve të ndërtimit në zonat me intensitetet të lartë arkeologjik – duke sjellë dëmtimin e gjetjeve arkeologjike.  

Pandemia e COVID-19; Bashkia Tropojë akuzohet se mbajti tender fiktiv për pakot ushqimore

Një tender i Bashkisë Tropojë për të blerë pako ushqimore për familjet në nevojë me vlerë 3.5 milionë lekë dyshohet se u mbajt fiktivisht në muajin maj, ndërsa familjet e varfra thonë se kanë marrë ndihma në muajt mars dhe prill, kryesisht nga bizneset, kleri dhe organizatat jo-qeveritare.

‘Shpërndarje paniku’: Policia përndoqi gazetarët pas tërmetit dhe COVID-19

Policia e Shtetit kërkoi ndjekjen penale të një duzine qytetarësh – shumica e tyre gazetarë dhe drejtues mediash, me akuzën se shpërndanë panik pas tërmetit dhe gjatë pandemisë së COVID-19, duke alarmuar aktivistët e të drejtave të njeriut në Shqipëri.

‘Tradhtarët e luftës” kundër COVID-19: Oficerët e policisë nën akuzë për korrupsion

Një hetim i prokurorisë së Korçës dhe SHÇBA-së zbuloi se masat drastike të qeverisë kundër shkelësve të ndalim-qarkullimit me automjete gjatë emergjencës shëndetësore të COVID-19, dyshohet se u shfrytëzuan nga gjashtë oficerë policie për të ndërtuar një skemë korrupsioni.

Koncesionarët e qeverisë, përfituesit e mëdhenj të fondit të garancisë sovrane

Një grup i vogël prej 10 biznesesh –fituese të koncesioneve gjatë qeverisjes së Ramës, u bënë njëherazi përfituesit më të mëdhenj të kredive të subvencionuara nga qeveria për përballimin e pandemisë së COVID-19, duke thithur gati gjysmën e fondit të miratuar nga bankat.

Qeveria i vuri flakën ligjit për të miratuar inceneratorin e Tiranës

Një raport ‘konfidencial’ auditimi i Kontrollit të Lartë të Shtetit zbulon se studimi i fizibilitetit për koncesionin e inceneratorit të Tiranës përmban deformime sasiore dhe cilësore, kosto të pajustifikuara dhe të fryra, si dhe analiza financiare kontradiktore që u miratuan në shkelje të ligjit nga qeveria, duke ia faturuar publikut të gjitha rreziqet financiare. 

Qeveria ‘manipuloi’ bilancin e ndihmave për shtresat në nevojë gjatë COVID-19

Të dhënat e siguruara nga BIRN tregojnë se ndihmat direkte të qeverisë për shtresat në nevojë gjatë pandemisë ishin dy herë më të vogla sesa pakot ushqimore të ofruara nga donacionet, ndërkohë që dhjetra familje ankohen se u braktisën në kushtet e mbijetesës.

Albchrome akuzohet se u ‘mohon’ minatorëve të drejtën Kushtetuese të grevës

Pas përplasjeve me një lëvizje të re sindikale, kompania e nxjerrjes së kromit në pronësi të biznesmenit më të pasur në Shqipëri, akuzohet se ka rishikuar kontratën kolektive në përpjekje për t’u mohuar minatorëve të Bulqizës të drejtën e tyre Kushtetuese për të shpallur grevë.