Shumica e Kolegjit të Posaçëm të Apelimit i dha të drejtë KPK-së për shkarkimin e Fatmir Hoxhës, duke konsideruar vendimin të argumentuar ligjërisht dhe gjetjet e hetimit si shkarkuese dhe procedurën të zbatuar, në përputhje me ligjin. Gjyqtarja Ina Rama në pakicë arsyetoi se vendimi kishte shkelur të drejtat e ish-gjykatësit kushtetues.
Gjykata “luan futboll” me dosjen e pronave në Kavajë
Prokuroria e Kavajës pretendon se ka kryer hetime të mjaftueshme për të çuar në gjyq 9 të akuzuar për tjetërsimin e 36 hektarëve në bregdetin e Spillesë, por gjykata i cilësoi hetimet të paplota dhe shtyu me tre muaj fillimin e procesit, ndërsa në të njëjtën kohë lehtësoi masat e sigurisë për të akuzuarit.
Komisioneri apelon prokurorin Besnik Muçi, probleme me huatë dhe tokë bujqësore e padeklaruar
Komisioneri Publik arsyeton se huatë dhe kursimet e Prokurorit të Krimeve të Rënda Besnik Muçi nuk ishin të provuara e për pasojë të ardhurat e tij duhej të konsideroheshin të pajustifikuara. Në kërkesën për të ndryshuar vendimin e KPK-së, komisioneri thotë se toka bujqësore e përfituar nga e shoqja duhej të konsiderohej “mosdeklarim”.
Konfirmimi i prokurorit Gentjan Osmanit “përplas” KPK me Operacionin Ndërkombëtar
Vendimi i zbardhur tregon se Komisioni i Pavarur i Kualifikimit dhe Operacioni Ndërkombëtar i Monitorimit dolën në përfundime të kundërta bazuar mbi të njëjtat dokumente. KPK vendosi pro konfirmimit të Gentjan Osmanit, duke cilësuar deklarimin e tij të besueshëm. ONM thotë në rekomandimin e saj se e vetmja mënyrë që ai të mbulonte shpenzimet ishin “të ardhurat e fshehura”.
Problemi me azilkërkuesit shqiptarë në BE, rikthehen kontrollet e dyfishta në Morinë
Përpjekjet e shqiptarëve për të kërkuar azil në Bashkimin Europian duke kaluar përmes Kosovës, kanë shtyrë policinë të rikthejë kontrollet e dyfishta në Morinë. Vendimi bie ndesh me marrëveshjen e dy qeverive. Policia e Kukësit thotë se situata ka të bëjë me infrastrukturën.
Ministria e Brendshme shkel ligjin duke “ngrirë” dhënien e shtetësisë shqiptare
Prej një viti Ministria e Brendshme ka ndaluar dhënien e shtetësisë shqiptare në pritje të miratimit të një projektligji të ri, duke lënë pezull aplikantët dhe duke shkelur ligjin përmes moszbatimit të kuadrit ligjor aktual.
KPK konfirmoi me “nivel minimal kualifikues” në kriterin profesional prokurorin Besnik Muçi
Prokurori i Krimeve të Rënda Besnik Muçi u konfirmua, ndërsa KPK konsideroi të parëndësishme disa pasaktësi në deklarimin e pasurisë dhe mospërputhje të të ardhurave në shuma të vogla. Muçi megjithatë u vlerësua me “nivel minimal” kualifikimi në kriterin profesional, ndërsa iu gjetën të meta proceduriale në dosjet që kishte hetuar.
Projekti i qeverisë për koncesionin e karburanteve ngre pikëpyetje të kushtueshme
Një vendim i Këshillit të Ministrave në Shqipëri, i pasuar nga një tender për dhënien me koncesion të shërbimit të kontrollit të pompave të karburanteve ka ngritur dyshime për shmangien e interesit publik dhe një garë të paracaktuar. Tenderi është pezulluar në fillim të muajit pas ankimit të një kompanie zvicerane për diskriminim të operatorëve të huaj.
Gjyqet për shpifje në Gjykatën e Lartë i fiton pushteti
Një rishikim i tetëmbëdhjetë çështjeve gjyqësore që mbartin veprën penale të shpifjes dhe që janë shqyrtuar nga Gjykata e Lartë, tregon se në trembëdhjetë raste, përplasjet mes politikanëve të maxhorancës dhe atyre të opozitës kanë përfunduar gjithmonë me fitoren e maxhorancës.
KPK shkarkoi prokurorin Bujar Hoti, për “veprime të paligjshme e fshehje pasurie”
Komisioni i Pavarur i Kualifikimit renditi 19 shkelje të prokurorit të Apelit në Durrës Bujar Hoti, sa i përket kriterit të pasurisë, përfshi përfitimin e 4 mijë metrave tokë arë si bujk, në një kohë kur ishte prokuror. Hoti u shkarkua për veprime të përsëritura fiktive në transaksionet me apartamentet dhe pamjaftueshmëri deklarimi e burimesh financiare.