Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Page Positions Artikull kryesor Lajme

Hemodializa u dha me koncesion në Shkodër ndërkohë që reparti ekzistonte

Besar LikmetaNgaBesar Likmeta
09:27 | 26/07/2018
Në Artikull kryesor Lajme, Korrupsioni, Lajme, Në Fokus
Kohe leximi: 2 minuta
A A
0
Koncesioni 86 milionë USD i hemodializës shitet për 30 milionë lekë

Kryeministri Edi Rama, gjatë përurumit të pavionit të rikonstruktuar të hemodializës në spitalin rajonal Vlorë | Foto nga : Kryeministria.al

Share on FacebookShare on Twitter

Një auditim i Kontrollit të Lartë të Shtetit ka zbuluar se Ministria e Shëndetësisë vendosi të transferonte shërbimin e hemodializës në qytetin verior tek privati edhe pse kishte një repart funksional në spitalin rajonal, pajisjet e të cilit u braktisën duke i shkaktuar miliona lekë dëm taksapaguesve.  

Kryeministri Edi Rama, gjatë përurumit të pavionit të rikonstruktuar të hemodializës në spitalin rajonal Vlorë | Foto nga : Kryeministria.al

Kontrollit të Lartë të Shtetit ka kallëzuar në prokurori ish drejtorin e Spitalit Rajonal Shkodër, SRSH, për shpërdorim detyre, i cili akuzohet se pasi Ministria e Shëndetësisë vendosi t’i transferonte privatit me koncesion shërbimin e hemodializës, nxorri jashtë përdorimi pajisjet e repartit ekzistues që ishin në gjendje pune dhe të mirëmbajtura me kontrata shërbimi.

“Përpara ose në kohën që Ministria e Shëndetësisë vendosi të kryejë një investim për një repart Hemo-Dialize në SR Shkodër, drejtori i Spitalit nuk ka ndërmarrë asnjë veprim për të vënë në dijeni MSH për ekzistencën e repartit të hemodializës i cili funksiononte në këtë spital që në vitin 2005,” tha KLSH në një njoftim për shtyp.

“Në fakt, drejtori i SRSH, duhej të informonte MSH, Qendrën Kombëtare të Barnave dhe Pajisjeve Mjekësore, se SRSH, kishte një repart Hemo-Dialize në funksion të plotë e madje me kontrata mirëmbajtjeje që prej investimit fillestar,” shtoi KLSH.

Ne tetor 2015 Ministria e Shëndetësisë i dha me koncesion shërbimin e dializës në 5 qytete përfshirë Shkodrën për një periudhë 10 vjeçare kompanisë Dia Vita, me një kontratë që përllogaritet të arrijë vlerën 8.6 miliardë lekë në total.

Nga auditimi i KLSH-së u konstatua se që nga viti 2005 deri në muajin qershor 2016 në Spitalin Rajonal Shkodër ka funksionuar reparti dhe ofrohej shërbimi pa ndërprerje i dializës me 9 pajisje hemodialize.

Në fillim të vitit 2016, Ministria e Shëndetësisë me një sërë shkresash, ka njoftuar Spitalin e Shkodrës se duhet të transferojë të sëmurët që do të marrin shërbimin e dializës në qendrën e re të dializës në zbatim të kontratës së koncesionit.

“Pajisjet ekzistuese të hemodializës, rezultojnë se janë lënë të mbyllura tek reparti i vjetër i Hemo-Dializës dhe janë jashtë funksionit, për arsye të braktisjes dhe jo për arsye të mosfunksionimit të tyre,” tha KLSH.

Sipas KLSH-së drejtoria e Spitalit të Shkodrës duhet të kërkonte nga Ministria e Shëndetësisë dhe specialistët e Agjencisë Shqiptare të Pajisjeve Mjekësore, që të inspektonin ambientet e hemodializës ekzistuese, për të gjykuar nëse pajisjet do të vazhdonin të funksiononin për SR Shkodër apo do të dhuroheshin në një spital tjetër si ai i Kukësit që nuk e ofronte këtë shërbim.

Sipas KLSH-së vlera e amortizuar e 9 pajisjeve të hemodializës të nxjerra jashtë përdorimi në Spitalin e Shkodrës përllogaritet në 11.6 milionë lekë.

Etiketa: hemodializaKoncesion
Tjetri
Barazia gjinore në Shqipëri, rrugë e gjatë drejt balancimit të peshores burra-gra

Si u rrëzua Gjykata Kushtetuese

Më të lexuarat

Koncesioni 86 milionë USD i hemodializës shitet për 30 milionë lekë

Hemodializa u dha me koncesion në Shkodër ndërkohë që reparti ekzistonte

09:27 | 26/07/2018
Gjyqtarja Matilda Fetau konfirmohet në detyrë

Gjyqtarja Matilda Fetau konfirmohet në detyrë

16:54 | 29/05/2023
Mungesa e vlerësimit për drejtuesit dhe promovimet pa garë shkaktojnë debat në KLP

Një aferë familjare: KLP shton në Prokurorinë e Tiranës të afërmit e deputetes së PS

21:55 | 29/05/2023
Projektit të urës së madhe të Kukësit nuk i duket fundi

Projektit të urës së madhe të Kukësit nuk i duket fundi

16:53 | 31/05/2023
KLGJ pranon dorëheqjen e dytë të Artan Gjermenit

KLGJ vijon procedurat për ngritjen në detyrë dhe lëvizjet paralele të gjyqtarëve

17:29 | 30/05/2023
Deputetët e Kuvendit bashkojnë votat për rritjen e pagave të tyre

Nga se rriten pagat?

14:10 | 30/05/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.