Politikanët vendës dhe të famshmit nga rajoni i janë bashkuar sfidës për të dhuruar fonde për ALS.
Si në shumë vende të tjera, “sfida e kovës me akull” u bë modë së fundmi mes të famshmëve dhe politikanëve në Ballkan.
Kryeparlamentari i Shqipërisë, Ilir Meta, bashkë me bashkëshorten e tij, deputeten Monika Kryemadhi, janë politikanët më të lartë në Shqipëri që përmbushën sfidën, e cila mbledh fonde për luftimin e sëmundjes vdekjeprurëse amyotrophic lateral sclerosis, ALS.
Një sëmundje e rrezikshme, ajo karakterizohet nga atrofizim muskujsh, vështirësi në të folur, në të përtypur dhe në frymëmarrje. Shumica e viktimave të diaknostikuara jetojnë më pak se 4 vjet dhe vetëm 4 për qind mbijetojnë më shumë se dhjetë vjet.
I sfiduar nga këngëtarja pop e Kosovës Adelina Ismajli, e cila pati kryer më herët hedhjen e kovës me akull, Meta postoi një video në YouTube.
Aty ai mund të shihet me një bluze blu dhe pantallona të shkurtra të verdha pranë detit duke derdhur ujë të akullt mbi veten. Bashkë me bashkëshorten e tij ata raportohet se kanë dhuruar 160 dollarë për ASL.
Në Serbi, Cedomir Jovanovic, udhëheqës i Partisë LiberalDemokrate në opozitë, qe mes politikanëve të parë në vend që i hodhi vetes ujë të akullt për një kauzë të mirë.
Gjithsesi, Jovanovic nuk tërhoqi vëmendjen për ALS, por tha se do t’i dhurojë paratë për një jetimore.
Të famshëm të tjerë ndoqën shembullin e tij dhe hodhën akull mbi veten. Shumica gjithsesi nuk argumentuan se pse morën pjesë në iniciativë, përfshirë fituesen serbe të Eurovizionit, Marija Serifovic dhe këngëtaren Jelena Karleusa.
Edhe yjet e tenisit Novak Djokovic dhe Ana Ivanovic në Serbi iu bashkuan fushatës botërore.
Sfida e kovës me akull u bë fenomen edhe në Rumani. Shumë të famshëm, përfshirë këngëtarë, aktorë, lojtarë futbolli dhe disa gazetarë televizionesh morën pjesë në to.
Gjithsesi, kritikët i kanë kritikuar ata për mungesë sinqeriteti për kauzën e ndihmës për të sëmurët me ALS.
Politikanët e Rumanisë qëndruan jashtë sfidës, ndoshta për shkak se duan të duhen seriozë më pak se tri muaj para zgjedhjeve presidenciale.
Javën e kaluar, kryeministri Victor Ponta, bashkë me katër ministra, dhuruan gjak në një fushatë të ndërgjegjësimit publik. Ponta tha se ai parapëlqente të dhuronte gjak në vend të derdhjes së kovës me akull mbi kokën e tij.
Edhe malazezët iu bashkuan manisë së kovës me akull.
Atletë të famshëm, përfshirë basketbollistin Nikola Pekovic dhe futbollistin Stefan Jovetic pranuan sfidën dhe dhuruan para për të promovuar ndërgjegjësimin mbi ALS.
Deri tani, të vetmit politikanë që kanë pranuar krizën qenë udhëheqësit e opozitës Nebojsa Medojevic dhe Dritan Abazovic.
Medojevic, i cili udhëheq Lëvizjen për Ndryshim në opozitë, pranoi sfiidën duke thënë: “ka kaq shumë gjëra që më kanë rënë kohës, uji i ftohtë do të jetë freskues”.
Këngëtarja më popullore në Kroaci, Severina, e pranoi sfidën bashkë me këngëtaren pop Jelena Rozga – të cilat thuhet se performuan në mënyrë zhgënjyese. Në vend të një kove, ajopërdori një tenxhere të vogël.
Në anën tjetër, futbollisti Ivan Rakitic, i cili luan për Barcelonën, e kreu sfidën në dhomën e zhveshjes me ndihmën e shokëve të tij të skuadrës.
Në Maqedoni, disa figura pop apo figura publike e pranuan sfidën e akullit, përfshirë futbollistin më të famshëm të vendit, Goran Pandev, i cili luan me Napolin. Ai sfidoi kryeministrin Nikola Gruevski dhe kreun e opozitës Zoran Zaev për ta provuar, por asnjëri prej politikanëve nuk iu përgjigj.
Sfida u bë popullore edhe mes gazetarëve të Maqedonisë ku gazetarja e Kanal 5, Mirjana Mircevska qe nga të parat që e bëri atë gjatë edicionit të lajmeve.
Sfida e kovës së akullit #Icebucketchallange nisi në SHBA në qershor me synimin për të rritur ndërgjegjësimin e publikut për ALS dhe për të ngritur fonde për kërkimin e kurës për këtë sëmundje.
