Udhëheqësit e rajonit presin që konferenca të tërheqë investime gjermane dhe mbështetje për projekte të mëdha infrastrukturore, si dhe të përshpejtojë integrimin e tyre në Bashkimin Europian
Një konferencë e nivelit të lartë mbi të ardhmen ekonomike dhe perspektivën Europiane të Ballkanit Perëndimor hapet në Berlin më 28 gusht, ku do të marrin pjesë politikanë të nivelit të lartë nga Gjermania, Bashkimi Europian dhe Ballkani nën patronazhin e kancelares Angela Merkel.
Udhëheqësit e rajonit, përfshirë kryeministra, ministra të jashtëm dhe ministra ekonomike, shpresojnë që vendi më i fuqishëm i BE-së do t’i ndihmojë në financimin e disa projekteve madhore infrastrukturore. Ata kërkojnë gjithashtu miratim nga kancelaria Merkel se ata janë në rrugën e drejtë në kuadër të procesit të integrimit në BE.
Për Milo Gjukanoviç, kryeministrin e Malit të Zi, konferenca është një shans për takimin e parë zyrtar me Merkelin në shtëpinë e saj.
Megjithëse ai e ka udhëhequr vendin e tij për gati çerek shekulli, Gjukanoviç nuk është takuar kurrë me Kancelaren në Berlin dhe as Merkel nuk e ka vizituar Malin e Zi. Ata janë takuar vetëm shkurtimisht në disa ngjarje të tjera të profilit të lartë si samite të NATO-s dhe BE-së.
Disa kritikë të qeverisë thonë se mungesa e kontakteve është një shenjë e mosmiratimit të Gjermanisë për Gjykanoviçin dhe gjendjen e demokracisë në Malin e Zi, veçanërisht sa i përket luftës kundër krimit të organizuar dhe korrupsionit.
Para konferencës së Berlinit, mali i Zi tha se takimi do të japë nxitje të re për progresin në ekonomi, sundimin e ligjit, sigurinë dhe ripajtimin rajonal ndërsa do të rikonfirmojë angazhimin e BE-së dhe Gjermanisë për perspektivën Europiane të Ballkanit Perëndimor.
Mali i Zi shpreson gjithashtu se do të fiitojë mbështetje për projekte konkrete si ai i një autostrade të re.
Po ashtu, Kosova po sheh nga samiti në Berlin për të përmirësuar situatën e keqe me investimet e huaja.
Ardian Arifaj, një këshilltar për kryeministrin në ikje Hashim Thaçi, tha se Kosova do të përfitojë si në terma politikë ashtu edhe në terma ekonomikë nga konferenca.
Kosova synon të tregojë se “po sheh nga e ardhmja dhe po ndërton një shtet ku sundon ligji dhe me perspektivë për një ekonomi të zhvilluar,” tha ai.
Eksperti i Ekonomisë Ibrahim Rexhepo thotë se Kosova duhet të kërkojë mbështetje në Berlin për projekte në energji dhe në rrugë të cilat do të krijojnë rrugën për në Europë dhe për rrjedhojë do të sjellin përfitime ekonomike.
Serbia synon gjithashtu të tërheqë investime Gjermane dhe fonde për projekte të mëdha infrastrukturore, përfshirë rindërtimin e hekurudhës mes Beogradit dhe Podgoricës në Malin e Zi dhe më tutje drejt Kosovës dhe Shqipërisë.
Aleksandar Vucic, kryeministri i Serbisë, synon të theksojë nevojën për të hapur tregun rajonal dhe për të rritur tregtinë brenda rajonit.
Media e Serbisë ka raportuar se Vucici mund të diskutojë gjithashtu pozicionin aktual neutral të Beogradit në lidhje me krizën e Ukrainës me Merkelin, gjë që konsiderohet si e ndryshme nga pozicioni për të cilin ka rënë dakord Europa.
Konferenca përbëhet nga tri pjesë.
Merkel do të zhvillojë fillimisht një takim dypalësh me José Manuel Barroso, presidentin e Komisionit Europian dhe më pas të dy do të takohen me krerët e shteteve të Shqipërisë, Bosnjës, Kroacisë, Kosovës, Maqedonisë, Malit të Zi, Serbisë dhe Sllovenisë për një takim të përbashkët për reforma strukturore, sundimin e ligjit dhe luftën kundër korrupsionit.
Ministrat rajonalë të ekonomisë do të takohen me Sigmar Gabriel, ministrin e ekonomisë të Gjermanisë dhe Günther Oettinger, zëvendëspresidentin e Komisionit Europian. Ministrat e jashtëm do të takohen me Frank-Walter Steinmeier, ministrin e jashtëm të Gjermanisë bashkë me Stefan Fule, Komisionerin Europian të Zgjerimit.
