Ministri i Brendshëm i Serbisë thotë se ai po dërgon forca shtesë policore në kufi me Kosovën pas vdekjes së një oficeri që u qëllua pranë kufirit, dyshohet nga prerësit ilegalë të pyjeve
Stevan Sindjelic, nga një njësi speciale policore e njohur si Xhandarmëria, vdiq të enjten në Beograd pasi u qëllua nga sulmues të panjohur, të cilët dyshohet se janë prerës pyjesh të paligjshëm nga Kosova.
Pas vdekjes së tij, Nebojsa Stefanovic, Ministër i Brendshëm, tha se Serbia nuk do të tolerojë sulme terroriste në territorin e saj dhe se policia do t’i përgjigjet me dhunë çdo lloji sulmi.
“Kam urdhëruar përforcimin e pranisë së forcave policore për të mbrojtur jetët e oficerëve të policisë, popullatës vendore dhe interesave jetësore të vendit tonë,” i tha Stefanoviç agjencisë së lajmeve Tanjug.
Policia e Kosovës i tha Balkan Insight se ata nuk kanë informacion ende për ndonjë rritje të pranisë së policëve serbë përgjatë kufirit.
“Ne nuk kemi asnjë informacion mbi të. Ne po bëjnë punën tonë përgjatë kufijve dhe nuk ka asnjë problem,” thanë ata.
Për shkak se vrasja ndodhi në territorin e Serbisë, ata thonë se nuk kanë informacion mbi rrethanat e krimit.
Sindjelic u qëllua rreth orës 3 të mëngjesit në anën serbe të kufirit. Ai qe dërguar në një skenë ku patën ndodhur të shtëna më herët atë natë.
Një patrullë nga stacioni policor Kursumlija në Serbinë e jugut pati kapur një numër njerëzish që po prisnin pyje në zonën e fshatit Orlovac.
Sipas policisë së Serbisë, shumë prej tyre hapën zjarr ndaj policisë dhe një shqiptar etnik u plagos në shkëmbimin e zjarrit.
Sindjelic dhe njësia e tij shkuan për të siguruar skenën e të shtënave. Sipas policisë së Serbisë, ai ka gjasa është qëlluar nga të njëjtën vjedhës që qenë kthyer në vendngjarje për të marrë armët dhe makineritë që kishin lënë pas. Ai vdiq në spital në Beograd ku qe dërguar pas të shtënave.
