Partia opozitare Vetëvendosje hodhi gaz lotsjellës teksa Hashim Thaçi përuronte marrjen e postit të ri si presidenti i Kosovës me të ftuar nga rajoni.
Aktivistët e Vetëvendosjes në opozitë, hodhën gaz lotsjellës për të ndërprerë në inaugurimin e presidentit të ri të Kosovës, Hashim Thaçi, në Prishtinë të premten.
Ceremonia e inaugurimit në bulevardin “Skënderbeu” u ndërpre për pak kohë, ndërsa policia arrestoi disa nga autorët.
“Ne duhet të vazhdojmë udhëtimin tonë europian dhe dialogun me Serbinë, sepse qytetarët tanë duan anëtarësimin në NATO sa më shpejt që të jetë e mundur”, ka thënë Thaçi gjatë fjalimit të tij të parë presidencial, duke shtuar se ai do të jetë “gardiani i Kushtetutës”.
Ish-presidentja Atifete Jahajaga i dorëzoi kushtetutën presidentit Thaçi, si një simbol i detyrave të postit të tij.
“Mbroni kushtetutën e shtetit tonë, qëllimi i të cilës është që të gjithë qytetarët të jenë të lirë, ta duan vendin e tyre dhe të jenë të barabartë para ligjit”, tha Jahjaga.
Kryeministri i Shqipërisë Edi Rama, Presidenti i Shqipërisë Bujar Nishani, Presidentja e Kroacisë Kolinda Grabar-Kitaroviç, Përfaqësuesi Special i BE-së në Kosovë Samuel Zhbogar dhe përfaqësues nga SHBA-ja, Bullgaria, Sllovenia, Belgjika e të tjerë morën pjesë në ceremoni.
Qytetarët të cilët dëshironin të vëzhgonin ceremoninë janë përballur me barrikada që rrethuan sheshin, duke e lënë në ceremoninë të hapur vetëm për të ftuarit.
Qazim Alia, i cili erdhi për të parë këtë ceremoni, tha se ndoshta nuk duhet të planifikohej për shkak të varfërisë në vend.
Thaçi u betua të enjten në një seancë parlamentare të bojkotuar nga opozita.
Parlamenti e zgjodhi Thaçin më 26 shkurt, në mungesë të deputetëve të opozitës të cilët më parë u përpoqën të prishin votimin.
Kosova është përballur me një krizë politike disa muaj të gjatë. Opozita konteston me forcë dy marrëveshje të diskutueshme të bëra nga qeveria, një me Serbinë për t’i dhënë më shumë të drejta serbëve lokalë dhe demarkacionin kufitar me Malin e Zi.
Gjykata Kushtetuese e Kosovës më 4 prill refuzoi një kërkesë të opozitës për të anuluar zgjedhjen e Thaçit për shkak të parregullsive. Gjykata Kushtetuese tha se nuk kishte gjetur asnjë provë për të mbështetur kërkesën.
