Mijëra shqiptarë kanë protestuar duke i shtuar zërin e tyre korit të kundërshtimeve kundër qeverisë Maqedonase – e cila e ka ndarë opinion publik vendas.
Duke hedhur slogane kundër krerëve të partive qeverisëse në Maqedoni, disa mijëra Shqiptarë protestuan të premten në Shkup, të organizuar nga organizatat shqiptare dhe partitë e tyre të vogla.
Protestuesit thërritën “poshtë regjimi” dhe “poshtë Gruevski,”- lideri i partisë kryesore të mazhorancës VMRO-DPMNE, dhe “poshtë Ahemti,” duke ju referuar liderit të partisë etnike shqiptare në qeveri, Bashkimi Demokratik për Integrim, BDI.
Protestuesit ishin organizuar nga e ashtëquajtura Shoqata e ish të Burgosurve Politik dhe Shqiptarëve të Persekutuar nga Maqedonia, Shoqata e Veteranëve të Luftë së Ushtrisë Çlirimtare Kombëtare, OVL-UÇK, Lëvizja për Reformë brenda partisë opozitare Partia Demokratike Shqiptare, PDSH, si dhe Rilindja Demokratike Kombëtare, RDK.
“Ne po protestojmë për një shtet bi-nacional dhe për dy gjuhë zyrtare [maqedonisht dhe shqip],” tha Zijadin Zela, kreu i lëvizjes për reformë brenda partisë opozitare PDSH.
Ashtu siç treguan fjalët e tij, protesta nuk drejtohej vetëm kundër qeverisë por edhe kundër shtetit Maqedonas në formën që ka ekzistuar në 25 vitet e fundit, të cilin shumë shqiptarë e konsiderojnë si diskriminues.
Protesta paqësore, e cila filloi në komunën e dominuar nga shqiptarët Çair, lëvizi në qendër të Shkupit dhë përfundoi përpara parlamentit.
Protestuesit gjithashtu vozitën disa makina me banera ku shkruhej “Shqipëri ku je?” dhe “ndaloni proceset gjyqësore të motivuara politikisht.”
Protestuesit gjitashtu bënë thirrje për shtet ligjor dhe depolitizimin e institucioneve shtetërore, të cilat ato thonë se diskriminojnë kundër shqiptarëve, të cilët përbëjnë të 25 % të popullsisë së Maqedonisë prej 2.1 milionë banorësh.
Protesta e shqiptarëve vjen në një kohë krize politike në vend dhe tubimesh të përdtishme të organizuar nga organizara civile “Protestriam” [Unë protestoj] dhe Social Demokratët në opozitë, SDSM.
“Ne i mbështesim të gjithë protestat kundër regjimit të [Nikola] Gruevskit, ne duam ta shohim Gruevskin- i cili është një Albanofob i provuar- në burg, aty ku ai ka futuar shqiptarët e pafajshëm,” i tha BIRN një nga protestuesit.
“Ne protestojmë kundër poltikanëve maqedonas dhe shërbëtorëve të tyre shqiptarë, të cilët po punojnë kundër popullit shqiptar në këtë vend,” ai ahtoi.
Kjo është dita e 11-të e protestave në Maqedoni, e mbiquajtur si “revulucioni shumëngjyrësh,” pas përdorimit të topave me bojë për të goditur monumentet dhe ndërtesat që shihen si simbol të pushtetit 10-vjeçar të Gruevskit.
Ato filluan kur Presidenti Gjorge Ivanon fali në mënyrë dramatike me 12 prill 56 politikanë dhe personat e lidhur me to, ndërkohë që përballeshin me akuza penale.
Nga falja përfituan më së shumti poltikanë nga partitë qeverisëse, përfshirë VMRO-DPMNE e Gruevskit dhe ministrat e tij, të cilët po hetoshin nga zyra e Porkurorisë Speicale.
Prokuroria Speciale u krijua në vjeshtë si pjesë e një marrëveshje të ndërmjetsuar nga BE për t’i dhënë fund krizës politike dhe për të krijuar rrethanat e nevojshme për zgjedhje të lirë.
Kreu i parlamentit Trajko Veljanovski, e acaroi më shumë krizën të premten e kaluar kur konfirmoi që 5 qershori do të jetë data kur do të mbahen zgjedhjet parlamentare.
Partia qeverisësë VMRO-DPMNE ka insistuar për një datë zgjedhjesh në qershor pa aprovimin e opozitës, e cila pretendon që konditat për zgjedhje të lira nuk janë të pranishme.
Kriza e ka gjenezën në akuzat e opozitës që qeveria e Gruevskit është përgjegjëse për përgjimin e paligjshëm të 20,000 qytetarëve dhe krime të tjera.
Gruevski, i cili erdhi në pushtet në 2006, u dorëhoq si kryeministër më herët këtë vit sipas pikave të marrëveshjes së negociuar nga BE. Ai pretendon se përgjimet janë falsifikuar nga shërbime inteligjence të huaja dhe i janë dhënë opzitës për të destabilizuar vendin.
BE-ja më herët këtë javë anuloi plane për t’i thirrur liderët maqedonas në Vienë për negociata, në një tentativë për të shpëtuar marrëveshjen e arritur më parë.
