Gjykata Kushtetuese e Kosovës ka vendosur se një qeveri e re mund të formohet pa mbajtjen e zgjedhjeve të parakohshme dhe se presidenti Hashim Thaçi nuk shkeli Kushtetutën duke i dhënë një mandat një kryeministri të ri.
Gjykata Kushtetuese e Kosovës të enjten vendosi që presidenti Hashim Thaçi nuk mori një vendim antikushtetues kur i dha mandatin një kryeministri të ri për të formuar një administratë të re pa mbajtur zgjedhje të reja.
Ai e ndërmori këtë hap pasi partia qeverisëse në largim, Vetëvendosja, nuk e emëroi askënd për postin e kryeministrit.
Vendimi i gjykatës shkaktoi zemërimin te Vetëvendosja, i cili ka kërkuar zgjedhje të parakohshme që kur qeveria e saj u rrëzua në mars në një mocion mosbesimi dhe ka kërcënuar se do të organizojë protesta në rrugë.
Zv/kryeministri në largim Haki Abazi akuzoi Gjykatën Kushtetuese se dha një vendim politik dhe jo ligjor.
“Argumentimi dhe arsyetimi i vendimit të Gjykatës është politik dhe antidemokratik dhe në asnjë mënyrë juridik apo kushtetues”, shkroi Abazi në Facebook të premten në mëngjes.
Avdullah Hoti, të cilin Thaçi e ngarkoi me formimin e qeverisë së re të Kosovës, e përshëndeti vendimin. “Është koha që të bashkohemi për të ardhmen e vendit dhe të qytetarëve tanë. Askush nuk ka humbur”, shkroi Hoti në Facebook.
Shtetet e Bashkuara, mbështetësi kryesor i Kosovës, i bënë thirrje institucioneve shtetërore dhe partive politike të respektojnë vendimin e Gjykatës Kushtetuese.
“Ne i kërkojmë të gjithë liderëve të punojnë së bashku për një tranzicion të rregullt në interes të paqes, stabilitetit dhe prosperitetit për të gjithë popullin e Kosovës”, tha ambasada e SHBA-së në Prishtinë në një deklaratë.
Hoti propozua për rolin e kryeministrit nga Lidhja Demokratike e Kosovës, LDK, parti që ishte pjesë e administratës së drejtuar nga Vetëvendosja nën drejtimin e Albin Kurtit, e cila gjithashtu nisi mocionin e mosbesimit në mars që rrëzoi qeverinë.
Pasi qeveria e Kurtit ra, Thaçi u këshillua me të gjitha partitë në parlament dhe shumica thanë se ata donin një qeveri të re dhe jo mbajtjen e zgjedhjeve të parakohshme. Thaçi tha se ai do t’i jepte një mandat cilësdo “parti ose koalicioni që vërteton se ka shumicë në parlament”.
Vetëvendosja, e cila ka shumicën e vendeve në parlament, por jo një shumicë absolute, nuk e emëroi një kryeministër të ri, por nuk refuzoi të emëronte një të tillë – një taktikë që ajo shpresonte se do të çonte në mbajtjen e zgjedhjeve të parakohshme.
Por Thaçi vazhdoi me dekretimin e të kandiduarit të LDK-së Hoti si kryeministrin e ardhshëm.
Vetëvendosja e dërgoi dekretin presidencial në Gjykatën Kushtetuese për interpretim.
Por gjykata ka vendosur tani që Thaçi ka ndjekur procedurën e saktë duke u konsultuar me të gjitha partitë politike dhe më pas duke pranuar emërimin për kryeministër nga partia e dytë më e madhe në parlament, LDK.
“Unë isha i bindur se çdo hap që bëra ishte në përputhje të plotë me kushtetutën e Kosovës dhe jam i kënaqur që kjo u konfirmua nga Gjykata Kushtetuese”, shkroi Thaçi në Facebook të enjten në mbrëmje.
Kurti kishte kërkuar zgjedhje të reja, duke cituar praktikën e mëparshme pas një mocioni mosbesimi. Por gjykata tha se ky nuk ishte interpretimi i saktë i Kushtetutës dhe se situata aktuale ishte e ndryshme nga ato të mëparshmet.
Ajo tha se “një votim i suksesshëm mbi një mocion mosbesimi në një qeveri nga ana e Kuvendit nuk sjell shpërbërjen e detyrueshme të Kuvendit dhe në këtë mënyrë nuk lejon mbajtjen e zgjedhjeve për një qeveri të re”.
Kurti nuk ka bërë asnjë reagim publik deri më tani, por Vetëvendosja postoi një video në Facebook të asaj që ajo e quajti një “provë” për një protestë për zgjedhje të parakohshme dhe kundër asaj që e përshkroi si shkelje të kushtetutës.
E gjithë kjo mosmarrëveshje politike ka bërë që Gjykata Kushtetuese të akuzojë Thaçin dhe Kurtin për presion ndaj saj dhe për përdorim të “ligjërimit politik kërcënues”.
