Në vend që deri në fund të këtij viti, Këshilli i Çështjeve të Përgjithshme të BE-së pret që fillimi i bisedimeve të shumëpritura të pranimit në BE me Shqipërinë dhe Maqedoninë e Veriut të ndodhë “sa më shpejt që të jetë e mundur”.
Duke thyer shpresat se një datë për fillimin e bisedimeve të pranimit në BE për Maqedoninë e Veriut dhe Shqipërinë mund të caktohej para fundit të vitit, ministrat e jashtëm dhe të çështjeve evropiane të BE-së të martën përsëri nuk arritën të caktojnë një datë dhe nuk dhanë një kornizë kohore specifike se kur mund të ndodhë kjo.
“Këshilli pret me padurim mbajtjen e konferencës së parë ndërqeveritare me Shqipërinë dhe Maqedoninë e Veriut sa më shpejt që të jetë e mundur”, thuhej në konkluzionet e formuluara në mënyrë të paqartë mbi zgjerimin nga Këshilli i Çështjeve të Përgjithshme të së martës, i cili u zhvillua përpara takimit të Këshillit Evropian që pritet të mbahet enjten.
Edhe një herë, arsyeja kryesore për vonesën, për të dytin vit radhazi, ishte bllokada e Bullgarisë në rrugën e Maqedonisë së Veriut në BE-së për mosmarrëveshjen që këto dy vende kanë me njëra-tjetrën.
Sofja këmbëngul që Shkupi të pranojë një identitet de facto bullgar që përqendrohet rreth pretendimit se identiteti dhe gjuha maqedonase janë me origjinë bullgare.
Bullgaria deklaroi se nuk ishte ende gati për të hequr bllokadën ndaj Shkupit, në vend të kësaj sugjeroi ndarjen e procesit të Maqedonisë së Veriut nga Shqipëria, në mënyrë që Shqipëria të paktën të mund të ecë përpara.
Por ideja se të dy vendet duhet të vazhdojnë përpara rrugën e tyre si një paketë e vetme mbizotëroi në Këshill.
