Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
Reporter.al
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi KPK

KPK e përfundon vetingun për Tom Dedajn pa një vendim përfundimtar

Komisioni i Pavarur i Kualifikimit ka analizuar gjithë çështjet që kanë passjellë humbjen e statusit të magjistratit për ish-prokurorin e Dibrës Tom Dedaj, nga procedimi dhe dënimi i tij për korrupsion, deri në vendimet e Kolegjit të Posaçëm të Apelimit lidhur me ankimin e këtij subjekti kundër vendimit të KLP-së për shkarkimin nga detyra për shkak të dënimit penal.

Edmond HoxhajNgaEdmond Hoxhaj
13:07 | 18/01/2022
Në KPK, Veting
Kohe leximi: 3 minuta
A A
0
Gjyqtari Ahmet Metaliaj u dorëhoq pasi u njoh me rezultatet e vetingut

KPK duke shpallur një vendim | Foto : LSA

Share on FacebookShare on Twitter

Tom Dedaj ka qenë subjekt rivlerësimi për shkak të funksionit të tij si prokuror në Prokurorinë pranë Gjykatës së Rrethit Gjyqësor Dibër dhe për këtë arsye i është nënshtruar procesit të vetingut në Komisionin e Pavarur të Kualifikimit, KPK.

Gjatë hetimit administrativ për prokurorin Dedaj, Komisioni ka konstatuar se në ngarkim të këtij subjekti, ish-Prokuroria për Krime të Rënda nisur nga një denoncim publik në emisionin “Fiks fare”, ka regjistruar në tetor të vitit 2016 procedim për veprën penale “Korrupsion pasiv i gjyqtarëve, prokurorëve dhe funksionarëve të tjerë të organeve të drejtësisë”. Po në atë periudhë, është vendosur pezullimi i Dedajt nga detyra deri në përfundimin e hetimeve në ngarkim të tij.

Në vitin 2018, me kërkesë të prokurorisë, Dedaj është deklaruar fajtor për korrupsion nga ish-Gjykata për Krime të Rënda dhe është dënuar me 3 vjet burgim. Po ashtu i është dhënë dënim plotësues me heqjen e të drejtës për të ushtruar funksione publike për 5 vjet. Megjithatë, gjykata e ka pezulluar ekzekutimin e dënimit me burgim duke e vendosur në provë për një periudhë 5 vjeçare.

Pozita e Dedajt është lehtësuar nga ish-Gjykata e Apelit për Krime të Rënda që e ka deklaruar fajtor për “moskallëzim krimi”, duke e dënuar me 1 vit burgim, si dhe e ka pezulluar ekzekutimin e vuajtjes së dënimi duke e vendosur në provë për 2 vjet. Apeli ka zbritur edhe masën e dënimit plotësues, duke vendosur që ti heqi të drejtën për të ushtruar funksione publike vetëm për një vit.

Duke iu referuar këtyre vendimeve penale, Këshilli i Lartë i Prokurorisë, KLP ka vendosur më 28 janar 2019 të shkarkojë nga detyra prokurorin Tom Dedaj. Ky i fundit e ka ankimuar vendimin e KLP në Gjykatën Administrative të Apelit duke kërkuar mes të tjerash rikthimin në detyrën e prokurorit; dhënien e pagës dhe të një shpërblimi në shumë 30 milionë lekë; si dhe konstatimin e diskriminimit të tij.

Apeli Administrativ ka shpallur moskompetencën në dhjetor të 2019-ës dhe ka vendosur dërgimin e akteve në Kolegjin e Posaçëm të Apelimit, KPA që vendosi fillimisht kalimin e çështjes për shqyrtim në seancë publike.

Dedaj nuk është paraqitur në seancën publike të zhvilluar më 20 korrik të vitit 2020, megjithëse është konfirmuar marrja njoftimit nga ana e tij. Gjithashtu nuk ka paraqitur parashtrime apo pretendime për çështjen, si dhe nuk ka depozituar kërkesë për shtyrjen e seancës në Kolegj. Për rrjedhojë, KPA ka vlerësuar ta trajtojë këtë situatë si heqje dorë nga kërkesa e tij kundër vendimit të KLP-së.

Sipas KPK-së, Kolegji ka arritur në përfundimin se gjykimi i kësaj çështjeje pranë KPA-së duhet të pushohet.

Por nga hetimi ka rezultuar se Dedaj ka dorëzuar në korrik të vitit 2021 në KPA kërkesë për rifillimin e çështjes. Kjo kërkesë nuk është pranuar, pasi Kolegji ka vendosur të mos e kalojë çështjen në seancë plenare.

Pasi ka analizuar gjithë ecurinë e proceseve që kishin të bënin me arsyet e shkarkimit nga detyra të Dedajt dhe humbjes së statusit të magjistratit, Komisioni vlerëson se është bërë i pamundur objekti për të cilin ka filluar procesin e vetingut për këtë subjekt rivlerësimi.

Në këto kushte trupa e KPK e përbërë nga komisioneret Firdes Shuli, Suela Zhegu dhe Alma Faskaj ka vendosur të deklarojë përfundimin e procesit të rivlerësimit kalimtar për Tom Dedajn, pa një vendim përfundimtar.

Etiketa: Komisioni I Pavarur i KualifikimitProkruroria e Rrethit DibërprokurorTom Dedaj
Tjetri
Përfitimet në rënie nga Transparenca

Beteja për të djathtën franceze

Më të lexuarat

Gjyqtari Ahmet Metaliaj u dorëhoq pasi u njoh me rezultatet e vetingut

KPK e përfundon vetingun për Tom Dedajn pa një vendim përfundimtar

13:07 | 18/01/2022
Paqartësi në kërkimet e Komisionerit, KPA shtyn procesin për Rilinda Selimin

‘Para konfirmimit zgjedh familjen’, gjyqtarja Rilinda Selimi mbrohet në KPA

21:11 | 19/05/2022
Përfituesit e mëdhenj të programit të Rindërtimit

Përfituesit e mëdhenj të programit të Rindërtimit

17:16 | 17/05/2022
Në foto: Jeta mes fushave të naftës në Kuçovë

Në foto: Jeta mes fushave të naftës në Kuçovë

17:34 | 17/05/2022
KPA kërkon analizë të re financiare për gjyqtarin Dritan Banushi

Gjyqtari Dritan Banushi kundërshton analizën e re financiare

17:14 | 20/05/2022
Kapedani përballet me dyshimet e ONM-së për ‘kontakt të papërshtatshëm’

KPK shkarkon nga detyra gjyqtaren Enkeleda Kapedani

12:07 | 18/05/2022
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.