Kryetari i Keshillit te Larte te Prokurorise, Alfred Balla ne nje takim te keshillit kombetar te integrimit europian ku u fol per procesin e negociatave me Bashkimin Evropian (BE) dhe perspektiven e anetaresimit te Shqiperise ne BE./r/n/r/nHead of SPAK, Altin Dumani and Chairman of the High Council of Prosecution, Alfred Balla in a meeting of the national council of European integration where they talked about the negotiation process with the European Union (EU) and the perspective of Albania’s membership in the EU.
Drejtuesi i Prokurorisë së Posaçme për Korrupsionin dhe Krimin e Organizuar, Altin Dumani, paraqiti të enjten më 16 mars para Këshillit të Lartë të Prokurorisë, KLP, bilancin e veprimtarisë së vitit 2022, ku mes rezutateve që i quajti si tregues të rritjes së efektivitetit të kësaj strukture, evidentoi edhe situatat që i cilësoi si problematike – numrin e madh të çështjeve të mbartura dhe ato në kufijtë e parashkrimit.
Ai u ankua gjithashtu për mungesën e ambjenteve dhe zyrave për ruajtjen e provave dhe akomodimin e prokurorëve dhe hetuesve.
Dumani u paraqit në raportimin vjetor në KLP së bashku me drejtoren e Byrosë së Kombëtare të Hetimit, Aida Hajnaj, ish-drejtuesin e SPAK, Arben Kraja dhe dy zëvendësdrejtuesit, prokurorët Adnnad Xholi dhe Edvin Kondili.
“Ka një numër të konsiderueshëm të çështjeve të mbartura nga vitet e mëparshme. Nevojitet të përballemi dhe t’i zgjidhim sa më shpejt, por gjithmonë pa cënuar efektivitetin në hetimin e tyre,” pohoi Dumani dhe shtoi se e kishte adresuar këtë problem dhe më parë duke kryer takime informuese.
Pyetjes së anëtares së KLP-së, Ledina Riza lidhur me atë çfarë është kryer dhe çfarë duhet bërë për të përmirësuar situatën e krijuar nga çështjet e mbartura dhe ato që rrezikohet të parashkruhen, Dumani ju përgjigj se kishte krijuar grup hetuesish për të trajtuar fillimisht ato që janë në kufijtë e parashkrimit.
Sipas Dumanit, deri në këto momente fokusi i punës së prokurorëve ka qenë në ato çështje që janë konsideruar prioritare dhe për pasojë një pjesë kanë ngelur pas dore, pa vendimarrje. Ai solli në vëmendje se për një periudhë kohe nuk ka pasur hetues dhe prokurorët nuk dinin se kujt t’ia delegonin kryerjen e veprimeve hetimore. “Tani ka filluar të lëvizë”, pohoi drejtuesi i SPAK duke shtuar se me plotësimin e Byrosë Kombëtare të Hetimit, ka pasur avancim në hetimin e të gjitha çështjeve.
Në vijim, Dumani e cilësoi si alarmante mungesën e zyrave për prokurorët dhe hetuesit dhe të ambienteve për mbajtjen e provave. Ai konstatoi se për shkak të mungesës së zyrave, hetuesit janë të akomuduar nga tre deri në gjashtë vetë në një zyrë. Sipas tij, kjo situatë pengon edhe kryerjen e veprimeve hetimore.
Po ashtu, Dumani vërejti se megjithëse disponojnë një laborator dixhital shumë të mirë, nuk kanë ambjent dhe rrezikohen provat.
Interesimit të anëtarit të KLP-së Bujar Sheshi, lidhur mbi efektivitetin e BKH-së, Dumani ju përgjigj se deri në këto momente kjo pjesë e strukturës është bërë funksionale, ku hetuesit janë ndarë në dy seksione, për hetimin e krimit financiar dhe atij të organizuar.
Sipas drejtuesit të SPAK, ka ende hetues që nuk janë në nivelin e pritur. Ai solli në vëmendje legjislacioni për funksionimin e BKH-së që përcakton kontroll mbi veprimtarinë e hetuesve çdo dy vjet. Dumani u shpreh se ata që nuk do të kalonin “testin” duhet t’u lënë vendin të tjerëve.
“Hetuesit në maj bëjnë dy viet dhe është periudhë më se e mjaftueshme për të arritur një standard për atë vend, për të qenë një hetues model. Për dy vjet ose bëhesh ose nuk bëhesh,” deklaroi Dumani dhe theksoi se procesi i rivlerësimit të hetuesve do të kryhej sipas proceseve ligjore dhe do të ishte objektiv.
Prokurori Altin Dumani pohoi se i konsideron prioritare çështjet me natyrë korruptive. Në përgjigje të pyetjeve të anëtarëve të KLP-së, ai deklaroi se gjatë vitit të kaluar janë konfiskuar pasuri të paligjshme me vlerë afro 45 milionë euro.
