Sonila Bejtja u dekretua nga Presidenti i Republikës si anëtare e Gjykatës Kushtetuese. Ajo ishte kandidatja e vetme për vendin e fundit vakant të shpallur nga presidenca.
Sonila Bejtja u dekretua të hënën nga Presidenti i Republikës si anëtare e Gjykatës Kushtetuese. Ajo ishte kandidatja e vetme për vendin vakant të shpallur nga presidenca.
Në dy javë Gjykata Kushtetuese, e cila ishte jofunksionale prej tre vjeteësh për shkak të shkarkimit të anëtarëve të saj nga procesi i vetingut, u bë me tre anëtarë të rinj.
Zgjedhja e Bejtjas e bëri Kushtetuesen me 7 anëtarë, ndërsa plotësimi i saj me 9 anëtarë dhe zëvendësimi i gjyqtares Vitore Tusha do të bëhet vetëm pas ngritjes së Gjykatës së Lartë e cila duhet të zgjedhë tre anëtarët e saj në gjykatë.
Bejtja u kualifikua po të hënën nga Këshilli i Emërimeve në Drejtësi dhe brenda të njëjtës ditë u dekretua nga Metam ndërsa pritet të betohet të martën. Tre emërimet në Kushtetuese, dy nga Presidenti dhe një nga Kuvendi, u bënë pas një kompromisi mes palëve për të tejkaluar mungesën e kandidaturave.
Këshilli i Emërimeve në Drejtësi, i cili duhej të dërgonte lista me tre kandidatë të renditur sipas pikëve, i nisi Kuvendit dhe Presidentit lista me nga një kandidat, pas dështimit të një sërë thirrjesh dhe skualifikimit të pjesës më të madhe të kandidatëve për mungesë të eksperiencës në punë prej 15 vitesh. Në faqen e presidencës u njoftua se Bejtja do të betohet në mesditën e të martës.