Kryeministri i Shqipërisë Edi Rama tha të enjten në konferencën mbi Ballkanin në Berlin se ai do të vizitojë Beogradin në tetor.
Rama do të vizitojë Serbinë më 22 tetor, “një datë finale, pas ftesës së kryeministrit [Aleksanadar] Vucic,” tha ai gjatë samitit mbi vendet e Ballkanit Perëndimor në Berlin.
Rama tha se a kishte shumë gjëra për të diskutuar me Vucic, për shkak se Tirana dhe Beogradi kishin kaq shumë potencial për të bashkëpunuar dhe punuar sëbashku.
“Po, ka probleme ndërmet nesh, po ne duhet të punojmë sëbashku për t’i zgjidhur ato; gjithsesi, fillimisht ne duhet të sigurohemi që po i ofrojmë popujve një të ardhme të fortë dhe të mirë,” shtoi Rama.
Vizita e Ramës do të jetë e para vizitë zyrtare e një kryeministri shqiptar në Beograd që nga viti 1946, pak pas luftës së Dytë Botërore.
Marrëdhëniet mes Serbisë dhe Shqipërisë kanë qenë tradicionalisht të tensionuara dhe u përkeqësuan gjatë konfliktit në Kosovë.
Kryeministri i Shqipërisë ka shprehur interes për të vizituar Serbinë që kur mori postin në shtator 2013.
Fillimisht u raportua se vizita do të ndodhë në shkurt, por kjo u shty për më vonë si pasojë e vendimit të papritur të Serbisë për të hyrë në zgjedhje parlamentare të parakohshme.
