Ministrja e brendshme austriake tha në Prishtinë se vendi i saj do t’i kthente emigrantët me avionë çdo dy javë dhe se kërkesat për azil do të përshpejtoheshin.
Ministrja e brendshme austriake Johanna Mikl-Leitner dhe kryeministri i Kosovës Isa Mustafa, në një konferencë të përbashkët për shtyp të premten në Prishtinë mbi emigrantët e paligjshëm nga Kosova, tha se ata që kishin hyrë në Austri në muajt e fundit do të ktheheshin mbrapsht me avion dhe kërkesat e tyre do të përshpejtoheshin.
“Të gjitha kërkesat për azil do të shqyrtohen brenda 10 ditëve nga aplikimi. Kryeministri dhe unë ramë dakord se është shumë e rëndësishme që azilkërkuesit të kthehen në Kosovë shpjet, ndaj një avion do të organizohet çdo 14 ditë për të kthyer njerëzit në Kosovë,” tha Mikl-Leitner gjatë konferencës.
Ai shtoi se azilkërkuesit nga Kosova nuk ishin të pranueshëm në Austri sepse ‘Kosova konsiderohet një vend i sigurt dhe i qëndrueshëm’ dhe ‘një e ardhme më e mirë i pret në Kosovë’.
Mikl-Leitner paralajmëroi se pak kosovarë mund të fitonin azilin apo të punonin atje.
“Nuk është e vërtetë që ju jepet azil sapo mbërrini në Austri dhe se do të gjeni një punë,” tha ajo, duke i nxitur autoritetet ta marrin fenomenin e emigrimit seriozisht dhe të bëjnë më shumë për të nxitur zhvillimin ekonomik të vendi.
Një shkallë e lartë papunësie, me vetëm 40% të të rriturve në punë dhe me një papunësi të rinjsh në shkallën 60%, si dhe me siguri të ulët në punë, konsiderohen si arsyet kryesore të eksodit në masë të shqiptarëve të Kosovës në muajt e fundit.
Kryeministri Mustafa tha se ai kishte pranuar qëndrimin e qeverisë austriake për azilkërkuesit, pasi gjendja e vështirë e emigrantëve të Kosovës nuk mund të krahasohet me atë që kanë njerëzit e larguar prej konflikteve si Siria dhe Iraku.
“Qytetarët tanë nuk mundet gjithsesi të krahasohen me ata që po largohen prej konfliktit, si Siria dhe vendet e tjera, dhe që po kërkojnë azil në Austri dhe vende të tjera të BE-së,” tha ai.
Ai i nxiti kosovarët të kthehen në atdhe dhe të punojnë për kthimin e fëmijëve të tyre në shkollë dhe tha se ata që kishin lënë punët duhet të ktheheshin për të punuar.
“Ky [emigracion] do dëmton si Kosovën dhe vendet e tjera te të cilat qytetarët tanë kanë emigruar,” përfundoi ai.