Protestuesit anti-qeveritarë ranë pre e një shkelje të madhe të privatësisë së tyre pasi një media publikoi fitimet e tyre nga OJQ-të për t’i portretizuar ata si “mercenarë”.
Më shumë se 60 aktivistë anti-qeveritarë në Maqedoni po përgatisin një padi kundër medias Netpres, duke e akuzuar atë për shkelje të privatësinë e tyre me anë të zbulimit të të ardhurave të tyre nga OJQ-të.
Investigimi i portalit të lajmeve, i titulluar “Çështja mercenare të revolucionit” – një koment ironik për pseudonimin e protestave që janë quajtur “revolucioni shumëngjyrësh”, – është ribotuar nga mediat kryesore të afërta me qeverinë.
Portali nuk bëri të ditur burimin e informacionit të tij dhe nuk tha pse konsiderohen të ardhurat e aktivistëve me interes publik, apo të sqaronte se si paratë që dyshohet se marrë në vitin 2014 lidheshin me protestat që vazhdojnë ende.
Sipas ligjit, çdo individ në Maqedoni detyrohet të bëjë një formë vetëdeklarimi të të ardhurave të veta vjetore.
Të dhënat e publikuara nga Netpres i referohen të ardhurave të mbi 60 personave, të cilat ata i kanë fituar me anë të angazhimit të tyre në OJQ të njohura.
Ato përfshijnë Komitetin e Helsinkit për të Drejtat e Njeriut, Forumin, Qendrën Edukuese Rinore, Civilin, 8 shtatorin, Lidhjen e Avokatëve të Rinj maqedonas, Qendrën Maqedonase për Arsim Europian, OJQ-në Qendra Info, Qendrën për Zhvillimin e Medias, Qendrën për Komunikime Qytetare dhe të tjera.
Disa nga njerëzit e theksuar janë të punësuar nga këto organizata dhe portali publikoi pagat e tyre vjetore bruto.
Të tjerë kanë marrë tarifa për pjesëmarrje në debate, kanë punuar në botime ose në shkrimin e teksteve. Në të dyja rastet, fshehtësia e të ardhurave të tyre duhet të mbrohej me nenin 9 të Ligjit për Taksat.
“Unë punoj dhe të ardhurat i deklaroj në UJP [zyra e taksave],” tha një nga njerëzit e përmendur nga Netpres.
“Ajo që është e paligjshme është se [të dhënat e] të ardhurave të mia përfunduan në duart e mediave të afërta me qeverinë, me qëllimin për të më portretizuar mua si një “tradhtar”. Kur u bë e paligjshme të punosh, të paguash taksat dhe të mendosh në mënyrë kritike?!” i tha personi BIRN.
Predrag Petroviç, pronar i portalit të lajmeve A1 On, i cili u përmend pasi kishte marrë 7,290 denarë [rreth 120 euro], tha se ai fitoi para nga Qendra për Zhvillim të Mediave, si një tarifë për ndihmën për të shkruar një rregullore mbi sjelljen e mediave në internet.
“Nuk e kam blerë një apartament ose një makinë me këto para. Shkoj çdo ditë në punë më këmbë dhe ndihme shumë mirë, sepse askush nuk mund ta çojë nëpër mendje të më terrorizojë duke futur komisione në artikujt e mi apo të më thotë se çfarë të shkruaj çdo ditë. Thjesht nuk jam për shitje,” tha për BIRN Petroviç.
BIRN i kërkoi Drejtorisë për të Ardhurat Publike, UJP, t’i përgjigjej akuzave se ajo mund të ketë rrjedhur të dhënat personale.
“Informacioni dhe fakte të tjera të fituara nëpërmjet procedurave tatimore të kryera nga UJP i nënshtrohen sekretit të taksave dhe mund të komunikohen për publikun dhe mediat” u përgjigj UJP.
“UJP nuk mund të garantoj saktësinë e të dhënave të botuara ose burimin e këtyre të dhënave nga Netpress, duke pasur parasysh se subjekte të tjera janë mbajtës të një informacioni të tillë gjithashtu,” tha zyra e taksave.
Avokati i Popullit në Maqedoni, Ixhet Memeti, i tha BIRN se ai ishte “i shqetësuar dhe se e dënonte këtë akt”. Ai shtoi se ishte shqetësuar nga numri i njerëzve të cilëve u ishte shkelur privatësia.
Megjithatë, Memeti theksoi se meqë Netpress ishte një portal privat lajmes, ai nuk kishte juridiksion të vepronte kundër tij vetëm në rast se njerëzit e përmendur në situatë hartonin një ankesë.
Ish-kreu i Zyrës së të Ardhurave, tani kreu i Drejtorisë për Mbrojtjen e të Dhënave Personale, Goran Trajkovskik, gjithashtu tha se i ka duart e lidhura derisa aktivistët të raportojnë çështjen në mënyrë formale.