PRZEMYSL, Poloni – Shumica e refugjatëve të luftës që kalojnë kufirin janë gra, nëna me femijë dhe të moshuar. Udhëtimi drejt kufirit është i gjatë dhe i mundimshëm për shkak të postoblloqeve të shumtë të ushtrisë.
Sapo hyjnë në Poloni priten jo vetëm nga vullnetarët dhe shoqatat humanitare por edhe nga mbrojtja civile dhe ushtria polake. Informohen se ku duhet te shkojnë për ndihmën e parë dhe si të programojnë udhëtimin e tyre nëse duhet ta vazhdojnë rrugën drejt vendeve të tjera perendimore.
Në stacionin e trenit në Przemysl kishte autobus dhe furgona qe i çonin refugjatët në Gjermani. Në disa qytete të Polonisë, si Varshava dhe Krakovia refugjatët nga Ukraina mund të përdornin transportin publik falas. Një numër telefoni ‘jeshil' pa pagesë ësht vendosur në dispozicio, ku të zhvendosurit mund të kërkojnë dhe gjejnë asistencë të çdo lloji.
Në Poloni, edhe para luftës jetonin dhe punonin gati 1 milion ukrainas, çfarë ndihmon për të shpjeguar numrin e madh të refugjatëve në vend.
Disa shoqata për të drejtat e njeriut raportojnë se ne Ukraine ka një numër të lartë fëmijësh jetimë – rreth 50 mijë femijë, duke sjellë një sfidë për ti nxjerr jashtë vendit dhe për ti shëtuar nga bombardimet të ushtrisë rusë që nuk diskriminojnë ndaj civilëve.