Drejtoria Vendore e Policisë së Tiranës njoftoi të enjten procedimin e pesë rasteve ku qytetarët kanë kryer krime kibernetike brenda 24 orëve të fundit. Sipas njoftimit të policisë, pesë persona janë proceduar në gjendje të lirë për hapjen e profileve të rreme me të dhënat e personave të tjerë apo për shpërndarjen e komenteve fyese në rrjetet sociale.
“Një 20 vjecare dyshohet se ka hapur në rrjete sociale dy profile false me të dhënat e një shtetaseje 21 vjecare, dhe një 35 vjeçar hapi në rrjete sociale një profil me fotografitë e një 42 vjeçareje,” shkruhet në njoftimin zyrtar të DVP Tiranë.
“Një qytetar 46 vjeçar gjithashtu u procedua pasi bënte komente fyese në në profilin e një 46 vjeçareje, teksa një tjetër dyshohet se ka përndjekur në rrjete social një 30 vjeçar “, citojnë të tjera raportime të ngjashme.
Krimet kibernetike kanë njohur rritje gjatë viteve të fundit në Shqipëri. Vetëm në vitin 2024, Policia e Shtetit raportoi mbi 1100 vepra penale lidhur me shkeljet kibernetike në Shqipëri.
