Këshilli i Lartë i Prokurorisë, KLP vendosi të enjten më 2 korrik fillimin e procedurës për përzgjedhjen e kandidatëve për pozicionin e Prokurorit të Përgjithshëm, për thirrjes publike. Prokurori i Përgjithshëm aktual, Olsian Çela u zgjodh nga Kuvendi më 5 dhjetor të vitit 2019, me mandate 7-vjeçar që i përfundon në dhjetorin e këtij viti.
KLP bëri publike kriteret që duhet të përmbushin kandidatët. Sipas njoftimit të shpërndarë për mediat të enjten, kandidatët dhet të kenë 15 vjet përvojë pune si jurist të spikatur; të jenë diplomuar në Shkollën e Magjistraturës ose të ketë gradë shkencore në drejtësi; të mos kenë mbushur moshën e daljes në pension; të mos kenë mbajtur gjatë 10 viteve të fundit, funksione politike në administratën publike apo pozicione drejtuese në partitë politike; të mos kenë qenë anëtarë, bashkëpunëtorë ose të favorizuar të ish-Sigurimit të Shtetit para 2 korrikut 1991; të mos kenë qenë dënuar më parë me vendim gjyqësor të formës së prerë për kryerjen e një vepre penale; të mos kenë qenë bashkëpunëtorë, informatorë ose agjentë të shërbimeve të inteligjencës; si dhe të mos kenë masë disiplinore në fuqi.po ashtu, kërkohet të plotësojnë standardet më të larta të integritetit moral dhe profesional, si dhe të aftësive organizative dhe drejtuese.
Kandidatët që plotësojnë këto kushte, ftohen të paraqesin kërkesat e tyre jo më vonë se data 1 gusht, në orën 24:00.
