Pas ndalimit të 40 personave të hënën, policia të mërkurën arrestoi një imam dhe një person tjetër të dyshuar për aktivitete terroriste pas bastisjeve në Gjilan dhe Skënderaj.
Policia e Kosovës tha se imami i arrëtuar emri i të cilit nuk bëhet i ditur në Gjilan dyshohej për “nxitje të xhihadit”, gjë që nënkupton “luftë e shenjtë”. Ata thanë gjithashtu se e gjetën klerikun duke i fshehur në një pyll pranë shtëpisë së tij.
Që të dy të arrestuarit akuzohen se kanë rekreutuar njerëz për qëllime terroriste dhe nxitje të urrejtjes racore, fetare dhe etnike.
Arrestimet lidhen me ndalimin e mëparshëm të katër personave në qershor në Kaçanik, të cilët po përballen me të njëjtat akuza.
Të hënën, policia arrestoi 40 persona me dyshimin e anëtarësisë në grupime terroriste të lidhura me Shtetin Islamik,IS, organizatën muslimane suni të vijës së ashpër që po lufton për krijimin e të ashtuquajturit kalifat në Irak dhe Siri.
Prokuroria e Shtetit tha pas arrestimit të 40 personave se “figura të ndryshme janë nën hetim, përfshirë imamë”.
Gjykata e Shkallës së Parë në Prishtinë vendosi ndërkohë se të 40 të arrestuarit do të mbahen në paraburgim për 30 ditë si pasojë e rrezikut që ata të largohen nga Kosova apo të ndikojnë mbi dëshmitarët.
Ata akuzohen për organizim dhe pjesëmarrje në grupime terroriiste, nxitje të urrejtjes fetare, racore dhe etnike, rekrutime për qëllime terroriste dhe posesim e përdorim të paautorizuar të armëve.
Policia kontrolloi rreth 60 shtëpi në qytete të ndryshme gjatë operacionit dhe konfiskoi armë dhe eksplozivë si prova materjale.
Baki Kelani, një zëdhënës i policisë, tha se operacioni erdhi pas hetimeve që zgjatën dy vjet.
Një numër shqiiptarësh muslimanë nga Ballkani janë bashkuar me konfliktin sektar në Irak dhe Siri. Policia thotë se 16 kosovarë kanë vdekur dule luftuar në Siri dhe Irak deri tani.
Më 10 gusht u njoftua se 18 vjeçari Patriot Matoshi nga Kosova u vra në konfliktin e Sirisë.
Qendra Ndërkombëtare për Studimin e Radikalizimit, ISRA, një qendër studimore me bazë në Kolegjin King të Londrës, beson se rreth 300 luftëtarë shqiptarë nga Kosova, Maqedonia dhe Shqipëria i janë bashkuar grupimeve militante në Siri.
Arrestimet e fundit u përshëndetën nga udhëheqësit e Kosovës. “Kosova nuk do të lejojë të kthehet në një stretë të ekstremizmit,” tha presidentja Atifete Jahjaga.