Një zyrtar i Kosovës tha se nuk u gjetën trupa pranë qytetit të Gjakovës, ku mendohej se ishin varrosur të burgosurit serbë të vrarë nga guerilët në luftën e viteve 1990.
Kreu i komisionit të qeverisë së Kosovës për personat e zhdukur, Prenk Gjetaj, tha se hetuesit nuk ia kishin dalë të gjenin ndonjë mbetje njerëzore në zonën e fshatit Piskota, pranë Gjakovës.
“Kërkimi i terrenit përfundoi dje në zonën ku dyshohej varri masiv. Megjithatë asgjë nuk u gjet,” tha Gjetaj për Radio-Televizionin Kim të mërkurën.
Prokurori serb i krimeve të luftës Vladimir Vukcevic gjithashtu konfirmoi se nuk janë gjetur ende trupa por tha se zona kishte nevojë për hetime shtesë.
“Deri më tani… 30 metra janë kërkuar në zonën me që ka përmasën e një stadiumi,” tha Vukcevic në agjencinë Tanjug të lajmeve.
Vuckevic theksoi se eshtra ishin gjetur vetëm në guroren e Rudnicës në jug të Serbisë, ku trupat e viktimave shqiptare të Kosovës u varrosën gjatë luftës.
Misioni i BE për sundimin e ligjit në Kosovë, EULEX, që gjithashtu u përfshi në kërkim në Gjakovë, nuk dha koment për rezultatet e kërkimit.
Prokuroria serbe e krimeve të luftës tha të hënën se kishte informacion që serbët e vrarë nga ushtarët e UÇK-së në qendrën e paraburgimit në Likovac gjatë luftës, mund të ishin varrosur në varrin masiv.
Krimet kundër të burgosurve të mbajtur në Likovac janë pjesë e aktakuzës së gjyqit në vijim të ish-zyrtarëve të lartë të UÇK, përfshirë Sylejman Selimin, ish-ambasador i Prishtinës në Tiranë dhe komandant i forcave të sigurisë, dhe Sami Lushtakun, kryebashkiak i qyteti Skënderaj.
Megjithatë ish-guerilët, e njohur si Grupi Drenica, akuzohen vetëm për krime kundër të burgosurve shqiptarë të Kosovës. Ata i kanë mohuar akuzat.
Më herët, Selimi dhe tre ish-luftëtarë të UÇK-së u liruan nga një çështje e mëparshme që lidhej me kampin e Likovacit.