Gjyqi i Zdravko Mustac dhe Josip Perkovic, ish-shefa të inteligjencës të akuzuar për vrasjen e një emigranti kroat, ngriti pretendimet se një dëshmitar kyç i prokurorisë ishte një vrasës dhe një spiun gjerman.
Teksa gjyqi i dy ish-shefave të inteligjencës të akuzuar për vrasjen e emigrantit kroat Stjepan Djurekovic në 1983 vazhdoi të hënën në Munih, skuadra mbrojtëse e Perkovic u përpoq të zhvlerësojë dëshmitarin e prokurorisë duke e quajtur atë një agjent të dyfishtë.
Skuadra e mbrojtjes tha se dëshmitari Vinko Sindicic, një vrasës me pagesë nga shërbimi sekret jugosllav, UDBA, i cili është lidhur me një seri vrasjesh, po punonte njëkohësisht edhe për inteligjencën gjermane.
Mbrojtja kërkoi që prokurori gjerman i shtetit të japë dokumente nga gjyqi i Sindicic në vitin 2000 për vrasjen e një tjetri emigrant kroat të kryer nga UDBA në Paris 1978.
“Nga këto dokumente, të cilat mungojnë, është e qartë se Sindicic punoi për shërbimin sekret gjerman. Ne besojmë se këto dokumente janë të rëndësishme për çështjen,” tha avokati i Perkovic, Richard Beyer.
Sindicic u lirua për vrasjen e Parisit por u burgos në Britani në 1988 për vrasje në tentativë të një tjetri disidenti kroat.
Beyer pretendoi gjithashtu se kishte prova nga të dhënat e sigurisë jugosllave të shtetit se shërbimi sekret gjerman (BND) e pagoi Sindicic të punonte për të.
Ai kërkoi dokumentet që do të zbulonin nëse dëshmitarët ishin apo jo në kontakt me BND dhe nëse kishin marrë para për të dëshmuar në një mënyrë të caktuar në gjyqin e Mustac dhe Perkovic.
Viktima Stjepan Djurekovic, një ish-drejtor reklamash për INA, një kompani nafte në Kroaci, besohet se është vrarë pranë Munihut nga UDBA, sepse mendohej se po financonte simpatizantët në mërgim të lëvizjes nacionaliste Ustasa.
Aktakuza pretendon se Perkovic bëri planin dhe zgjodhi vendin ku do të vritej Djurekovic – një garazh në të cilën Djurekovic printonte propagandë anti-jugosllave.
Në seancën e parë dëgjimore të gjyqit të premten, si Mustac dhe Perkovic u vetëshpallën të pafajshëm ndaj çdo përfshirje në vrasje.
Teksa çështja është bërë shumë simbolike për 30 vrasjet e emigrantëve të Jugosllavisë që u kryen në Gjermani, anëtarë të organizatave të emigrantëve kroatë ishin protestuan në ditën e hapjes.