Foto: russavia
Atletët nga shteti më i ri i Ballkanit mund të konkurrojnë në Rio të Brazilit në vitin 2016, pasi Komiteti Ndërkombëtar Olimpik njohu provizorisht Komitetin Olimpik të Kosovës.
Foto: russavia
Kosova është gati të festojë debutimin sportiv ndërkombëtar pasi bordi i Komitetit Ndërkombëtar Olimpik (IOC), tha se skuadrat nga ky vend mund të konkurronin në Olimpikun 2016 në Brazil.
Komitetit Olimpik i Kosovës “i plotëson kërkesat për njohje si përkufizohet në Statutin Olimpik,” duke iu referuar kushteve sportive dhe teknike, “po ashtu edhe përkufizimin si ‘shtet’”, thuhej në deklaratën e IOC.
Publikimi për shtypin shtoi: “Vendimi është marrë nga Bordi Ekzekutiv në interes të atletëve të Kosovës dhe për të larguar çdo pasiguri që ata mund të kenë.
“Ata do të lejohen të marrin pjesë në kualifikimet për Lojërat Olimpike Rio 2016 dhe në edicione të ardhshme të Lojërave.”
Bordi propozoi që Kosova të njihet plotësisht në seancën tjetër të IOC që do të mbahet në dhjetor në Monako.
Nëse njohja bëhet, atletët nga Kosova nuk do të jenë të kushtëzuar të luajnë për skuadrën kombëtare të Shqipërisë në Olimpik, siç ka ndodhur më herët.
Deri më tani, Kosova nuk është lejuar të marrë pjesë në Lojëra Olimpike, meqenëse nuk është anëtare e IOC.
Kosova është përjashtuar nga pjesëmarrja në shumë ture sportive për shkak të mosmarrëveshjeve për statusin e saj.
Ish-provinca e Serbisë u mëvetësua dhe deklaroi pavarësinë në vitin 2008. Që atëherë është njohur nga SHBA dhe shumë shtete perëndimore.
Por Serbia është betuar të mos e njohë kurrë atë dhe është mbështetur nga Rusia, Kina dhe disa shtete të tjera për këtë këndvështrim.
Kryeministri Hashim Thaçi tha se konkurrimi në Lojërat Olimpike ishte një ëndërr afatgjatë e sportistëve të vendit.
“Kjo është një ëndërr për të gjithë atletët nga Kosova dhe ne falenderojmë të gjithë ata që mbajtën gjallë shpirtin Olimpik gjatë kohëve të vështira,” shkroi ai në Facebook.
