Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Gjyqtare
  • Kolegji i Posaçëm i Apelimit
  • Prokurore
  • KPK
  • Gjykata e Apelit Tiranë
  • Mjedisi
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Mos humbisni Energjia

Autoriteti i Konkurrencës: Tenderët e energjisë së OSHEE, jo transparentë

Besar LikmetaNgaBesar Likmeta
20:46 | 07/11/2014
Në Energjia, Faqja e pare, Korrupsioni, Lajme, Në Fokus
Kohe leximi: 2 minuta
A A
0
Autoriteti i Konkurrencës: Tenderët e energjisë së OSHEE,  jo transparentë

Drejtori i OSHEE Arben Seferi | Foto nga LSA/ Franc Zhurda

Share on FacebookShare on Twitter

Në një vendim të publikuar të premten, Autoriteti i Konkurrencës i ka kërkuar Entit Rregullator të Energjisë, ERE, që të rishikojë praktikat e tenderimit të energjisë të Operatorit të Shpërndarjes së Energjisë Elektrike, OSHEE.

Drejtori i OSHEE Arben Seferi | Foto nga LSA/ Franc Zhurda
Drejtori i OSHEE Arben Seferi | Foto nga LSA/ Franc Zhurda

Pas ankesës të një operatori se OSHEE po bashkëpunonte me dy tregtarë të energjisë, EFT A.G dhe GSA, për të manipuluar rezultatin e tenderëve për importimin e energjisë elektrike, Autoriteti i Konkurrencës ka kërkuar nga ERE rishikimin e procedurave të blerjes së energjisë elektrike mujore dhe vjetore.

“Komisioni i Konkurrencës ka rekomanduar të rishikohet vendimi 30, datë 23.3.2001 i ERE-s duke specifikuar që pranimi, vlerësimi dhe negocimi i ofertave të kryhet në prani të ofertuesve duke rritur në këtë mënyrë besueshmërinë e procesit dhe konkurrencën ndërmjet ofruesve dhe duke hapur tregun dhe lejuar të gjithë aktorët e tregut (edhe prodhuesit vendas të energjisë) të marrin pjesë në procedurat e tenderit duke e bërë në këtë mënyrë më konkurrues procesin,” tha Autoriteti i Konkurrencës në një njoftim për shtyp.

“Gjithashtu mënyra e përcaktimit të ofertës fituese të përshtatet sipas Rregullores së Ministrisë së Financave “Për emetimin e obligacioneve”, ku kërkesat konkurruese pranohen si fituese duke filluar nga ato që kanë çmimin më të ulët deri në plotësimin e sasisë së energjisë së kërkuar,” vijon deklarata.

Një investigim i BIRN pati zbuluar se OSHEE akuzohej se praktikat jo-konkurruese në tenderët e energjisë i kanë kushtuar konsumatorëve dhe taksapaguesve shqiptarë 7.3 milionë euro vetëm në periudhën Janar-Shtator 2014.

Autoriteti gjithashtu ka kërkuar që tenderët e energjisë elektrike të realizohen në mënyrë elektronike “si të gjitha procedurat e tjera të tenderimit në Shqipëri.”

Sipas Autoritetit të Konkurrencës, ndryshimet e procedurave të tenderimit të energjisë synojnë nxitjen e pjesëmarrjes në procedurat e blerjes së energjisë; nxitjen e konkurrencës ndërmjet blerësve; sigurimin e trajtimit të barabartë dhe jodiskriminues për të gjithë pjesëmarrësit në procedurën e blerjes së energjisë; si dhe sigurimin e integritetit, besimit publik dhe transparencës në procedurat e blerjes së energjisë elektrike dhe kosto sa më të ulëta për këto lloj transaksionesh.

Vendimi i Autoritetit kundërshton deklaratat publike të drejtorit të OSHEE, Arben Seferi, i cili pretendonte që BIRN ka ‘gënjyer’ në raportimin e tij dhe se Autoriteti i Konkurrencës e “kishte mbyllur hetimin” ndaj operatorit të shpërndarjes së energjisë elektrike.

Tjetri
Vizita e Ramës në Serbi, një shans për shkrirje akujsh mes Tiranës dhe Beogradit

Vizita e Ramës në Serbi, një shans për shkrirje akujsh mes Tiranës dhe Beogradit

Më të lexuarat

Autoriteti i Konkurrencës: Tenderët e energjisë së OSHEE,  jo transparentë

Autoriteti i Konkurrencës: Tenderët e energjisë së OSHEE, jo transparentë

20:46 | 07/11/2014
Shqetësime mbi transparencën e biznesit në Ballkan të Tony dhe Cherie Blair

Shqetësime mbi transparencën e biznesit në Ballkan të Tony dhe Cherie Blair

11:10 | 30/01/2023
Gjyqtarja Antonela Prendi jep shpjegime për burimet e pasurisë

Gjyqtarja Antonela Prendi jep shpjegime për burimet e pasurisë

17:24 | 26/01/2023
KPK konfirmon në detyrë gjyqtaren Antonela Prendi

KPK konfirmon në detyrë gjyqtaren Antonela Prendi

11:57 | 27/01/2023
Ndotja minerare rrezikon statusin e UNESCO-s për liqenin e Ohrit

Ndotja minerare rrezikon statusin e UNESCO-s për liqenin e Ohrit

18:02 | 22/01/2023
Aventura shqiptare e kryeagjentit të FBI

Aventura shqiptare e kryeagjentit të FBI

15:12 | 27/01/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.