Qeveria e Malit të Zi është nxitur që të njohë dhe dënojë vrasjet e Ushtrisë Mbretërore Jugosllave të 1000 civilëve boshnjakë në fshatin verior Sahovici.
Partitë politike boshnjake dhe organizatat në Malin e Zi mbajtën një përkujtimore të 90-vjetorit të vrasjeve të dielën, në qytetin boshnjak Bijelo Polje dhe nxitën autoritetet e Podgoricës të dënojnë masakrën, të kthejnë pronën te komuniteti islamik dhe të rindërtojnë një xhami të shkatërruar në Sahovici.
Në një deklaratë të përbashkët, ata i bënë gjithashtu thirrje Kishës Ortodokse Serbe në Serbi dhe Mal të Zi të ‘të sqarojë dhe të distancohet’ nga krimi në Sahovici, që shtrihet në kufirin mes Bosnjës, Serbisë dhe Malit të Zi.
Ish-myftiu boshnjak Mustafa Ceric ndërkohë nxiti qeverinë malazeze të pranojë se masakra në Sahovici përfaqësonte një gjenocid kundër myslimanëve të Malit të Zi.
Ceric tha në përkujtimore se boshnjakët kishin vuajtur shumë shekullin e shkuar, nga masakra në Sahovici te gjenocidi në Srebrenicë.
“Të afërmit e viktimave të masakrës së Sahovicit janë mbledhur për të kujtuar të dashurit e tyre dhe për të mësuar një prej leksioneve më të rëndësishme të së tashmes dhe të ardhmes – se kërkesa e parë dhe më e rëndësishme për shpëtimin dhe mbijetimin e boshnjakëve në Ballkan ishte dhe mbetet shpirti vizionar dhe lidershipi politik kurajoz.
Asnjë familje myslimane nuk jeton aktualisht në fshat. Sipas të dhënave nga Mbretëria e Jugosllavisë, në vitin 1924 kanë jetuar më shumë se 1500 familje myslimane dhe rreth 500 familje ortodokse në Sahovici.
Pas luftës së dytë botërore, Sahovici u quajt Tomasevo në nder të liderit komunist Tomas Zizic.
Boshnjakët tani përbëjnë 8.6 për qind të popullatës së Malit të Zi. Ndërsa vetëm 3.3 për qind e tyre e deklarojnë veten si myslimanë.
