Ministri i jashtëm Titus Corlaten dha dorëheqjen pas protestave rreth faktit se disa rumunë që jetonin jashtë shtetit nuk qenë në gjendje të votojnë në zgjedhjet e fundit presidenciale në vend.
Corlatean u dorëhoq të hënën pas zemërimit për radhët e gjata dhe skenat kaotike me të cilat u hasën rumunët që jetojnë jashtë shtetit dhe që u përpoqën të hedhin votat në zgjedhjet presidenciale të 2 nëntorit.
Ai veproi kështu pasi dhjetëra mijëra persona protestuan në qytete të ndryshme të vendit në fundjavë, në mbështetje të rumunëve që jetojnë jashtë dhe që nuk patën mundësi të votojnë.
Presidenti në largim, Traian Basescu tha gjithashtu të shtunën se Corlatean duhet të jepte dorëheqjen, pasi ministri i jashtëm lajmëroi se më shumë dhoma të fshehta do të vihen në dispozicion për emigrantët në raundin e dytë të votimeve më 16 nëntor, por nuk do të rritej numri i vendeve të votimit.
Corlatean megjithatë dhe se ai i qëndronte vendimit të tij.
“Ministria e punëve të jashtme i qëndron pozicionit të saj se nuk ka bazë ligjore mbi të cilën të bëhet shtimi i numrit të stacioneve të votimit jashtë shtetit,” tha ai në një deklaratë publike ku dha dhe dorëheqjen të hënën.
“Isha i detyruar të lejoj dhoma të fshehta shtesë përpara balotazhit të zgjedhjeve presidenciale. Por nuk mund të pranoj të thyej ligjin, ndaj jap dorëheqjen,” tha ai.
Rumania ka diasporë të madhe. Mbi dy milion rumunë jetojnë ose punojnë jashtë, kryesisht në Itali, Spanjë, Gjermani dhe Francë. Megjithatë vetëm një pjesë e vogël e tyre mori pjesë në votime, ata kanë fuqinë të ndikojnë te rezultati.
Të dhënat zyrtare tregojnë se rreth 160,000 rumunë votuan nga jashtë shtetit në raundin e parë të votimeve, por vetëm 16 për qind prej tyre mbështetnin Victor Pontan, i cili kryesoi votimet por nuk fitoi mjaftueshëm vota për të triumfuar.
Pothuajse gjysma e të emigrantëve votuan për Klaus Iohannis, kryebashkiak i Sibiut dhe president i opozitës, Partisë Kombëtare Libreale të qendrës së djathtë,.
Ponta dhe Iohannis do të përballen me njëri-tjetrin në një raund të dytë.
