Rreth 300 veteranë lufte u përpoqën të hynin me dhunë në zyrën e rektorit të Universitetit të Prishtinës, duke kërkuar që fëmijët e tyre të lejohen të regjistrohen pa bërë provime.
Ditën e enjte protestuesit ndërmorën një sërë përpjekjesh për të hyrë me dhunë në zyrën e rektori, por u zmbrapsën nga policia ndërsa organizonin protestën e tyre të dytë për rivendosjen e privilegjeve të fëmijëve të tyre.
Duke bërtitur “UÇK, UÇK!”, protestuesit e udhëhequr nga Shoqata e Veteranëve të Luftës kërkuan gjithashtu dorëheqjen e rektorit Ramadan Zejnullahu, sepse ai anuloi marrëveshjen e privilegjeve.
Policia tha se tre policë u lënduan teksa përpiqeshin “të kontrollonin sjelljen agresive” të protestuesve.
Përfaqësuesi i veteranëve të luftës Xhavit Jashari tha se kryeministri Hashim Thaçi duhet të ndërhyjë për ta detyruar rektorin të rivendosur privilegjet.
“Do të rrimë para zyrës së rektorit derisa kryeministri ta marrë këtë vendim,” u tha Jashari protestuesve,
Shoqata e Veteranëve të Luftës firmosi një memorandum mirëkuptimi me universitetin në vitin 2004, i cili lejon regjistrimin automatik të 1,000 fëmijëve të veteranëve, invalidë dhe njerëz të vrarë gjatë konfliktit.
Por Zejnullahu vendosi ta anulojë memorandumin, duke thënë se ai binte ndesh me rregullat e universitetit.
Universiteti argumenton se po i ndihmon ende fëmijët e luftëtarëve të vrarë në konfliktin 1998-1999, duke i lejuar ata të regjistrohen pas përmbushin vetëm kriteret minimale akademike për regjistrim.
