Atletët nga Kosova do të lejohen të konkurrojnë në Lojërat Olimpike 2016 në Rio pasi Kosova fitoi anëtarësi të plotë nga Komiteti Olimpik Ndërkombëtar.
Atletët nga Kosova po festojnë vendimin e IOC për t’i dhënë Kosovës anëtarësi të plotë, gjë që do të thotë se ata do të kenë skuadrën e tyre kombëtare në Olimpikun e Brazilit.
Vendimi u arrit në sesionin e 127-të që IOC mbajti në Monako dhe pasoi një vendim më të hershëm në tetor kur IOC i dha Kosovës njohje të përkohshme.
Në atë kohë, IOC tha se Komiteti Olimpik i Kosovës ‘plotësonte kërkesat për njohjen e cituar në Statutin Olimpik, duke iu referuar kërkesave sportive dhe teknike si dhe përkufizimit si shtet.
Deri më tani Kosova nuk ishte lejuar të merrte pjesë në Olimpik pasi nuk ishte anëtare e IOC. Ish-provinca e Serbisë deklaroi pavarësinë në vitin 2008.
Majlinda Kelmendi, një atlete e suksesshme nga Kosova, përfaqësoi Shqipërinë në Olimpikun e Londrës në 2012.
Hashim Thaçi, zëvendës kryeministër i Kosovës dhe ministër i jashtëm përshëndeti lajmin për anëtarësimin e Kosovës në IOC.
“Urime për Kosovën, urime për atletët, urime për Komitetin Olimpik të Kosovës. Kosova është tani një anëtare në Komitetin Olimpik. Flamuri ynë do të valëvitet në Lojërat Olimpike dhe do të çohet në Rio nga Majlinda,” shkroi ai në Facebook.
Kosova është lënë jashtë shumë ngjarjeve sportive prej mosmarrëveshjeve për statusin e saj.
Që kur deklaroi pavarësinë në 2008, është njohur nga SHBA dhe shumica e vendeve perëndimore. Por Serbia është betuar të mos e njoh kurrë dhe është mbështetur nga Rusia, Kina dhe disa shtete të tjera.
