Me qindra shqiptarë të Kosovës u mblodhën në fshatin Reçak/Racak për të shënuar 16 vjetroin e masakrës së 44 personave nga forcat e sigurimit serb të vitin 1999.
Të mbijetuar, të afërm viktimash dhe zyrtarë të Kosovës morën pjesë në përkujtimore në memorialin në Reçak/Racak ditën e enjte për të shënuar përvjetorin e masakrës që ndihmoi në nxitjen e ndërhyrjes së ushtarëve të NATO-s kundër presidentit jugosllav Sllobodan Millosheviç.
“Gjashtëmbëdhjetë vjet pas masakrës, në këtë ditë të tmerrshme, ne e kujtojmë atë si e një tmerr të vërtetë,” tha Agron Mehmeti, një nga të mbijetuarit, i cili dëshmoi për masakrën në gjyqin e Millosheviçit në Gjykatën e Hagës në vitin 2002.
Kryeministri i Kosovës Isa Mustafa, i cili gjithashtu nderoi viktimar, tha se ishte “një nga aktet më të frikshme të ish-regjimit serb”.
“Ushtria, policia dhe forca paraushtarake vranë dhe masakruan njerëz të paarmatosur, të moshuar e të rinj,” tha Mustafa.
Forcat serbe të sigurisë rrethuan Reçakun dhe filluan ta sulmonin atë mëngjesin e 15 janarit 1999, pastaj hynë në fshat dhe bastisën shtëpitë. Disa burra u përpoqën të fshiheshin, por u zbuluan, u rrahën u larguan që aty dhe më pas u vranë. Një total prej 44 fshatarësh u vranë.
Beogradi fillimisht këmbënguli se viktimat ishin luftëtarë të Ushtrisë Çlirimtare të Kosovës.
Por Ëilliam Ëalker, shef i misionit të verifikimit të armëpushimit të OSBE-së në Kosovë, i cili vizitoi vendin e ngjarjes një ditë më pas, raportoi se ajo që kishte ndodhur ishte një “krim kundër njerëzimit” dhe se viktimat ishin civilë.
Sulmi ishte pjesë e aktakuzës kundër Millosheviçit në Gjykatën e Hagës, por vendimi nuk u dha kurrë, sepse ai vdiq në vitin 2006.
Operacioni u udhëhoq nga komandanti i policisë speciale serbe Goran Radosavljevic, i njohur ndryshe si Guri.
Radosavljevic, i cili tani ka dalë në pension dhe punon në bordin ekzekutiv të Partisë Progresiste, partisë qeverisëse në serbi, ka mohuar të jenë vrarë civilë, duke këmbëngulur se ata që vdiqën ishin terroristë.
