Pesë të rinj u plagosën kur një autobus që transportonte lojtarët adoleshente nga një klub futboll nga një qytet kryesisht kroato-boshnjak u sulmua në kryeqytetin boshnjak.
Tensionet etnike u përshkallëzuan në Bosnje dhe Hercegovinë në fundjavë pasi lojtarët e rinj nga qyteti jugor i Siroki Brijegut u sulmuan nga një grup i huliganësh në Sarajevë.
Incidenti ndodhi të shtunën pasdite, kur lojtarët e rinjtë të ekipit nga Siroki Brigej hipën në autobusin e tyre për t’u kthyer në shtëpi pas ndeshjes kundër “FK Zeljeznicar” të Sarajevës.
Lojtarët nga Siroki Brijeg thanë për median lokale se atyre u ishte afruar një grup huliganësh i cili doli nga një kafene aty pranë. Huliganët i parë i kishin sharë ata me emra nënçmues që ndonjëherë përdoren për të fyer kroatët e Bosnjës, pastaj i kishin sulmuar ata me shkopinj bejsbolli dhe shufra hekuri. Një nga lojtarët Zeljeznicarit u përpoq t’i mbronte ata, por s’ia doli mbanë, thanë ata.
Pesë lojtarë pësuan dëmtime të lehta dhe autobusi u dëmtua lehtë, tha klubi i Siroki Brijegut në një deklaratë në faqen e tij zyrtare. Deri tani nuk është bërë asnjë arrestim.
Të dy ekipet tha se sulmi ishte i papranueshëm.
“Klubi i futbollit të Siroki Brijegut e dënon ashpër këtë incident në Sarajevë, shpreh pakënaqësinë për faktin se shëndeti dhe siguria e të rinjve tanë u vu në rrezik dhe kërkon identifikimin e shpejtë dhe dënimin e autorëve,” thuhej në deklaratën e klubit.
“Ne i dënojmë ashpër veprime të tilla. Citojmë në mënyrë të qartë se jemi kundër çdo dhune në rrugë,” tha FK Zeljeznicar në një deklaratë në faqen e tij.
Si masë paraprake pas sulmit, tifozët e Zeljeznicarit nga Sarajeva nuk u lejuan të marrin pjesë në një ndeshje të ligës mes dy ekipeve të para nga të dy klubet në Siroki Brijeg ditën e diel. Gjatë ndeshjes nuk u raportuan incidente të mëdha.
Në një incident tjetër në qytetin e Dobojt, ku mbizotëron popullsia serbe, persona të panjohur shkruan grafiti duke thënë “Slaughter Balijas (një term nënçmues që përdoret për myslimanët), si të rinjtë dhe të moshuarit”, njoftoi media vendase ditën e hënë. Grafiti ishte nënshkruar nga “Vojvode (Duka) 1990” – një grup tifozësh nga ekipi vendas i FK Sloga Dobojt.
Përleshjet mes huliganëve nuk janë të rralla në Bosnje dhe Hercegovinë dhe në një sërë rastesh, dhuna e tillë është shkaktuar nga tensionet etnike që ende vazhdojnë në Bosnje, pothuajse dy dekada pas përfundimit të luftës. Për këtë arsye, Unioni i Futbollit të vend në disa raste ka penalizuar ekipet duke i urdhëruar ata të luajnë në stadiume bosh.
Një nga shembuj më të keq gjatë viteve të fundit ishte një përplasje mes huliganëve në Siroki Brijeg në tetor 2009, kur një tifoz FK Zeljeznicarit, Vedran Puljic, u qëllua dhe u vra dhe disa të tjerë u plagosën.
Për të theksuar absurditetin e kësaj situate, vetë Puljic ishte një kroat i Bosnjes, i cili po bënte tifozllëk për ekipin e Sarajevës.
Vrasësi i tij u identifikua dhe arrestua, por më pas u lejua t’i mbathte në Kroaci, ku autoritetet ngritën akuza ndaj tij disa javë më parë.
