Forca të shumta policie kanë zbarkuar në fshatin Lazarat dhe po ushtrojnë kontrolle pas një shkëmbimi zjarri midis policisë dhe një grupi prej katër personash të armatosur.
Sipas një njoftimi për shtyp të drejtorisë së përgjithshme të policisë së shtetit, katër persona tё armatosur nga ky fshat, që udhëtonin me një fouristradë me targa të falsifikuara, kanë qëlluar me armë automatike drejt patrullës së policisë të martën në mbrëmje.
“Patrulla e policisë i ka bёrё shenjё mjetit tё ndalonte, por ata kanё refuzuar dhe janё larguar me shpejtësi,” thotë policia në njoftimin e saj.
“Policia ёshtё vёnё nё ndjekje tё tyre, ndёrsa personat qё ndodheshin nё automjet janё pёrgjigjur duke qёlluar me armё nga brenda automjetit. Mё pas kanё braktisur mjetin dhe janё futur nё brendёsi tё fshatit,” shton ajo.
Nё mjetin e autorёve tё sulmit ёshtё sekuestruar njё armё zjarri, njё fenelinё policie, gёzhoja , fishekë dhe prova tё tjera tё vlefshme pёr identifikimin e tyre.
Nga shkëmbimi i zjarrit nuk ka të lënduar, ndërkohë që drejt Lazaratit janë dërguar përforcime me Forca të Ndërhyrjes së Shpejtë, FNSH, dhe ato RENEA, të ardhur nga Tirana.
Policia njofton që nё orët e para të mëngjesit të së mërkurës forcat e Drejtorisë së Policisë së Qarkut Gjirokastër, të mbështetura nga forcat RENEA dhe FNSH, po ushtrojnë kontrolle nё tё gjitha lagjet e Lazaratit pёr kapjen dhe katër autorëve tё dyshuar sulmit me armё, tё cilët tashmë janë identifikuar.
Për pjesën më të madhe të një dekadës së shkuar, fshati Lazarat kanë qenë jashtë kontrollit të policisë, duke u kthyer në një qendër për kultivimin e kanabisit.
Vlera e drogës së prodhuar në Lazarat llogaritej përafërsisht 4.5 miliardë euro në bazë vjetore, e barabartë me afërsisht gjysmën e PBB-së të Shqipërisë.
Në qershor 2014, më shumë se 1000 forca policie, përfshirë edhe forcat speciale të Ministrisë së Brendshme, rrethuan për më shumë se një javë zonën dhe morën kontrollin e fshatit nga trafikantët e armatosur rëndë.
Dhjetëra të dyshuar u arrestuan ndërsa më shumë se 130,000 rrënjë kanabis u shkatërruan, si dhe 80 ton marijuanë u sekuestruan.
