Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
  • Tema kryesore
  • Zgjedhje 2023
  • Veting
  • Mjedisi
  • Kosovë
  • SPAK
  • BE
  • Vladimir Putin
  • Olta Xhaçka
  • KLP
Reporter.al
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog
Ska rezultat
Shiko të gjitha
Reporter.al
Fillimi Page Positions Artikull kryesor Lajme

Luftimet e Kumanovës, kush janë 5 të akuzuarit si drejtues të grupit të armatosur

BIRNNgaBIRN
13:54 | 11/05/2015
Në Artikull kryesor Lajme, Lajme, Në Fokus
Kohe leximi: 2 minuta
A A
0
Luftimet e Kumanovës, kush janë 5 të akuzuarit si drejtues të grupit të armatosur
Share on FacebookShare on Twitter

Pesë të akuzuarit nga policia maqedonase si organizatorë të sulmit kanë lidhje të hershme me UÇK-në dhe luftën në Maqedoni. Dy prej tyre u lakuan si organizatorë të “inskenimit” të Goshnicës.

Muhamed Krasniqi, i njohur si Komandant Malisheva
Muhamed Krasniqi, i njohur si Komandant Malisheva

Pesë personat e akuzuar nga autoritetet maqedonase për sulmin e përgjakshëm në lagjen e Trimave në Kumanovë kanë lidhje të hershme me Ushtrinë Çlirimtare të Kosovës dhe luftën e vitit 2001 në Maqedoni.

Policia maqedonase deklaroi se ka arrestuar Muhamed Krasniqin, Sami Ukshinin, Beg Rizajn dhe Deme Shehun, të cilët akuzohen se drejtonin grupin e armatosur në Kumanovë. I pesti drejtues i këtij grupi akuzohet të jetë Mirsad Ndrecaj, por ai nuk rezulton mes personave të dorëzuar tek policia maqedonase.

Mes të arrestuarve është edhe një shqiptar i quajtur Genc Sefa. Sipas policisë maqedonase, shtetasi nga Shqipëria është rezident në Gjermani.

BIRN analizoi profilet e të akuzuarve për sulmin e armatosur në Kumanovë në rrjetet sociale, prej nga rezulton se të pestë drejtuesit e akuzuar janë të lidhur me UÇK-në dhe me grupime të tjera të armatosura përgjatë viteteve 2000 në Ballkan.

Muhamed Krasniqi, i cili njihej si komandant Malisheva ka marrë pjesë në luftën e UÇK-së në Kosovë dhe atë të Maqedonisë në vitin 2001.

Dy drejtuesit e tjerë të grupit, Sami Ukshini dhe Beg Rizaj rezultojnë gjithashtu të kenë qenë luftëtarë të UÇK-së.

Beg Rizaj ka qenë ushtar i UÇK-së në zonën e Dukagjinit dhe pas luftës ai ka shërbyer edhe si truprojë e liderit të AAK-së, Ramush Haradinaj. Ndërsa Sami Ukshini, i cili njihet si komandant Sokoli ka marrë pjesë në konfliktet e armatosura në Kosovë dhe në Maqedoni.

Mirsad Ndrecaj i njohur si Komandant NATO
Mirsad Ndrecaj i njohur si Komandant NATO

Emrat e tyre janë lakuar edhe në incidentin e Goshnicës, ku një postë policie u sulmua nga një grup i armatosur më 21 prill 2015. Sipas gazetës serbe Blic, ky sulm ishte inskenuar nga shërbimet sekrete maqedonase për të tërhequr vëmendjen nga afera e përgjimeve.

Blic shkruante gjithashtu se për incidentin ishin paguar rreth 2 milionë euro. Ndërsa Ukshini dhe Begaj ishin takuar para ngjarjes me Ali Ahmetin, i cili sipas gazetës serbe kishte qenë kundër.

Në faqen e tij në Facebook, Sami Ukshini i cilësoi këto akuza si “dizinformata”. I arrestuari i katërt nga policia maqedonase rezulton të jetë Dem Shehu nga Deçani. Ai ka qenë gjithashtu luftëtar i UÇK-së në Kosovë dhe në Maqedoni.

Mirsad Ndrecaj është i akuzuari i pestë i autoriteteve maqedonase për sulmin e përgjakshëm në Kumanovë. Por ndryshe nga katër të tjerët, Ndrecaj nuk është arrestuar ende nga policia.

Gjatë luftës në Kosovë, Mirsad Ndrecaj njihej me nofkën “komandant Nato”. Më vonë, ai ishte aktivist shumë i afërm me AAK-në e Ramush Haradinajt dhe në vitin 2009 u arrestua në Gjakovë me dyshimin se ishte përfshirë në një skemë të manipulimit të votave.

Pesë ish-komandantët e UÇK-së akuzohen nga autoritetet maqedonase se organizuan sulmin e përgjakshëm në lagjen e Trimave në Kumanovë gjatë së shtunës dhe të dielës.

Gjatë këtyre sulmeve mbetën të vrarë tetë punonjës të policisë, 14 pjestarë të grupit të armatosur dhe u plagosën mbi 37 persona.

Beg Rizaj
Beg Rizaj
Dem Shehu
Dem Shehu
Tjetri
Qetësia rikthehet në qytetin e shkatërruar të Maqedonisë

Dhuna në Maqedoni shqetëson shtetet fqinje të Ballkanit

Më të lexuarat

Luftimet e Kumanovës, kush janë 5 të akuzuarit si drejtues të grupit të armatosur

Luftimet e Kumanovës, kush janë 5 të akuzuarit si drejtues të grupit të armatosur

13:54 | 11/05/2015

Procesi i Rindërtimit në Tiranë: Konflikte gjyqësore dhe qindra të skualifikuar

10:41 | 20/09/2023
Magjistratë

KLGj mban peng emërimin e magjistratëve të diplomuar

17:08 | 21/09/2023
Erion Veliaj

Taksa për arsimin, si dështuan investimet me dhe pa PPP

16:21 | 25/09/2023
SPAK njofton sekuestrimin e pasurive të “Ben Qimes” në Fier

Alibia e ish-gjyqtarit të Gjykatës Kushtetuese për pasurinë: “E motra ka qarkulluar 20 milionë euro’

19:38 | 20/09/2023
Kujtim Vranici

Gjyqtari Kujtim Vraniçi konfirmohet në detyrë

12:42 | 19/09/2023
  • Analiza
  • Blog
  • Intervista
  • Investigime
  • Lajme
  • Opinion
  • Rajoni
  • Reportazhe
  • Vendi
  • Rreth nesh
  • Stafi
  • Kontaktoni
  • Ankesa dhe Korrigjime
  • Politika e privatësisë dhe rregulla të tjera
  • Pyetje të shpeshta
Follow Us

Të gjitha të drejtat janë të rezervuara
© 2014 - 2021 Reporter.al - BIRN
Dev by Aplikacione.com

Ska rezultat
Shiko të gjitha
  • Investigime
  • Analiza
  • Lajme
  • Reportazhe
  • Opinion
  • Intervista
  • Rajoni
  • Blog

© 2022 Reporter.al - Dev by aplikacione.com.