Qeveria ka premtuar të garantojë kredi të reja të marra nga ana e kompanisë shtetërore të autostradave, të cilat janë të nevojshme për të mbuluar kreditë e saj ekzistuese.
Kompania shtetërore e rrugëve në Kroaci, autostradave kroate, HAC, ka marrë 250 milion euro kredi të reja, të cilat qeveria do t’i garantojë ditën e enjte.
HAC do të përdorë kreditë e reja për të mbuluar ato të vjetrat të marra më parë për të ndërtuar dhe mirëmbajtur autostrada.
Duke qenë se garancitë shtetërore llogariten si shpenzime publike, qeveria do të jetë duke thyer rregullat e saj fiskale, të cilat përcaktojnë se shpenzimet buxhetore duhet të mbahen në përputhje me GDP-në vjetore.
Kredija e re do të ndikojë negativisht në borxhin publik të Kroacisë, i cili është i barabartë me më shumë se 80 për qeind të GDP-së vjetore të Kroacisë. Parashikohet gjithashtu që borxhi të rritet deri në vitin 2017.
Një kredi shtatë vjeçare prej 100 milion eurosh, e marrë me një normë interesi prej 4.21 për qind, do të merret nga tre banka – Zagrebacka Banka, Privredna Banka Zagreb dhe Societe Generale Splitska Banka – të gjitha në pronësi të grupeve bankare të huaja nga Italia dhe Franca.
Një tjetër kredi shtatë vjeçare prej 150 milion eurosh do të merret nga Zagrebacka Banka, Banka Shtetërore e Kroacisë dhe Hrvatska Postanska Banka, me një normë interesi prej një 4,11 për qind.
Për shkak të borxheve prej rreth 8 miliard eurosh të marra gjatë 15 viteve të fundit për të ndërtuar dhe mirëmbajtur autorstradat, në gusht qeveria tha se ajo do t’ia jepte autostradat me koncesion kompanitë private të huaja, duke hequr HAC dhe dy kompani më të vogla në pronësi shtetërore nga pozicioni i menaxhimit të autostradave.
Duke ia dhënë autostradat me koncesion kompanive të huaja private, qeveria planifikonte të grumbullonte deri në 3 miliardë euro për një koncesion që do të zgjaste nga 25 deri në 40 vjet.
Kompanitë shtetërore të autostradave morën 4 miliard euro kredi për të ndërtuar dhe mirëmbajtur rrjetin pre 1,017 km të autostradave të Kroacisë, duke shkaktuar edhe 4 miliard euro të tjera interesa.
Këto kredi duhet të paguhen të gjitha brenda 25 vitesh. Ndërkohë, tarifat e autostradave të Kroacisë sjellin rreth 370 milion të ardhura në vit.
Pasi qeveria hyri në procesin e organizimit të një tenderi publik për menaxhimin e autostradave, një grup OJQ-sh në tetor të vitit 2014 nisi një peticion kundër dhënies së autostradave me koncesion kompanive të huaja private.
Iniciativa, e quajtur “Ne nuk do t’i japim autostradat tona”, mblodhi rreth 460.000 firma dhe bëri që gjithçka të rimendohej.
Këtë prill qeveria vendosi t’i ofronte 51 për qind të aksioneve të HAC qytetarëve kroatë dhe fondeve të pensioneve publike. në këtë mënyrë, ajo planifikon të mbledhë oferta prej 1.2 deri në 1.3 miliard eurosh.
Që prej fillimit të viteve 2000, me mbështetjen e qeverisë, HAC investoi 5.8 miliard eudo në rrjetin e autostradave.
Midis viteve 2001 dhe 2012, janë ndërtuar 686 km (nga një total prej 1,024 në total) autostrada të reja, më e rëndësishmja autostrada e shumëpritur nga Zagrebi në Dubrovnik nëpërmje Splitit, e cila është tepër e rëndësishme për zhvillimin e mëtejshëm të turizmit.
