Kryeministri serb Aleksandër Vuçiç të mërkurën lajmëroi mundësinë për zgjedhje të parakohshme – megjithëse disa kritikë thonë se zgjedhjet mund të mos ketë ndikim ngaqë qeveria ka një shumicë të qëndrueshme.
Kryeministri Aleksandër Vuçiç ka lajmëruar mundësinë e zgjedhjeve të parakohshme parlamentare edhe pse qeveria e tij ka një shumicë të qëndrueshme dhe tre vite të tjera për të drejtuar vendin.
Vuciçc të mërkurën tha se ai “po mendonte për zgjedhje të parakohshme” por shtoi se nuk ishte marrë vendim final.
Kryeministri tha se nuk ishte e mundur të punohej në një atmosferë ku çdo sukses i qeverisë sfidohej ose mohohej nga opozita dhe një pjesë e publikut.
“E kuptoj që njerëzit duan zgjedhje të parakohshme dhe i respektoj kundërshtarët politikë… Ata që nuk duam të shohin rezultatet e arritura kanë mundësi të na mundin tani. Nëse do na mundin, kjo është diçka tjetër,” përfundoi Vuçiç.
Megjithtë, disa kritikë vunë në pikëpyetje të drejtën e kryeministrit për të thirrur zgjedhje të parakohshme.
Dragan Popovic, nga OJQ-ja me bazë në Beograd, Qendra Politike, tha për BIRN se kjo tregonte një gjendje të dobët të demokracisë, kur çdo vendim i rëndësishëm varet nga dëshirat e kryeministrit dhe jo nga rrethanat ligjore.
“Nuk duhen thirrur zgjedhje të parakohshme thjesht sepse sondazhet kanë treguar se Vuçiç është politikani më popullor. Nuk përmbushen kushte ligjore për zgjedhje të parakohshme tani. Qeveria është e qëndrueshme dhe ka mbështetje të madhe në parlament,” tha Popoviç.
Ai pretendoi se Vuçiç ishte në dijeni se rezultatet ekonomike të qeverisë nuk ishin aq të mira sa sugjerojnë autoritetet ndaj ai do një mandat të ri katër-vjeçar përpara se të përkeqësohet kriza ekonomike.
Popoviç gjithashtu tha se Vuçiç dhe Partia Progresive Serbe të cilës ai i përket duan të forcojnë sundimin e tyre dhe ta shtrijnë atë në bastionet e drejtuara nga opozita, si provinca veriore e Vojvodinës, ku qeveriset nga Partia Demokratike në opozitë.
“Serbia është në një fushatë të vazhdueshme zgjedhore në vend të një procesi reformimi. Unë besoj se negociatat me BE-në dhe dialogu me Kosovën do të ngecë nëse mbahen zgjedhje të parakohshme,” tha Popoviç.
Bojan Kostres, një zyrtar i lartë i Ligës Sociale të Demokratëve të Vojvodinës, gjithashtu tha se ai nuk ishte arsye racionale për zgjedhje të parakohshme.
Dejan Vuk Stankovic, një analist nga Beogradi, tha për BIRN se zgjedhjet e parakohshme do të ishin të ligjshme nëse parlamenti i mbështet por shtoi se zgjedhjet janë gjithnjë një rrezik pavarësisht se çfarë thonë sondazhet.
Progresivët u bënë partia më e fortë serbe pas zgjedhjeve parlamentare të majit 2012 dhe formuan një qeveri koalicioni me socialistët.
Vuçiç atëherë u bë zëvendës kryeministër. Ai u bë gjithashtu politikani më popullor në Serbi dhe me iniciativën e tij në mars 2014 u mbajtën zgjedhje të parakohshme ku progresivët forcuan pozicionin e tyre.
Sondazhet e fundit sugjerojnë se progresivët mund të formojnë lehtësisht një qeveri të tyren nëse mbahen zgjedhjet. Ndërkohë Serbia do të mbajë zgjedhje vendore në pranverë.