Një refugjat po mban në krahë një tjetër përgjatë hekurudhës që lidh Serbinë me Hungarinë më 26 gusht 2015. Mbi 10 mijë refugjatë kanë mbërritur në Hungari përgjatë ditëve të fundit ndërkohë që Hungaria është duke ndërtuar gardhin e vet shumëmilionësh, i cili konsiderohet një investim i kotë pasi vështirë se mund të ndalojë ndokënd. (AP Photo/Darko Bandic)
Ndërtimi i barrierave kundër emigrantëve po bëhet gjithnjë e më i zakonshëm në botën e sotme. Nga Europa në Amerikë dhe Afrikë, qeveritë po shpenzojnë miliarda për të ngritur gardhe të larta. Kjo është një përmbledhje e mureve të kohës sonë.
Në këtë foto të 28 majit 2014, emigrantë nga Afrika nën-Sahariane po përpiqen të ngjiten në një gardh metalik i cili ndan Marokun nga enklava spanjolle e Melilës. Spanja ka ndërtuar një gardh të dyfishtë prej hekuri gjashtë metër të lartë përreth dy enklavave të veta në Afrikën e Veriut, të cilat janë të rrethuara nga territori i Marokut. Gjatë viteve të fundit, enklava e Melilës është sulmuar herë pas here nga qindra emigrantë njëherësh, të cilët kanë shpresuar të shkelin në tokën Europiane. (AP Photo/Santi Palacios, File)
Një patrullë e rojeve të kufirit të SHBA-ve po ecin gjatë një muri të ndërtuar pranë Nakos, Arizona. Shtetet e Bashkuara kanë shpenzuar miliarda dollarë përgjatë dekadës së fundit për të ngritur një mur përgjatë një të tretës së kufirit të vet jugor me Meksikës në përpjekje për të ndaluar emigrimin e paligjshëm. (AP Photo/Ross D. Franklin, file)
Në këtë foto të 15 marsit 2010 turistët po ecin në Murin e Madh të Kinës të mbuluar nga dëbora në veri të Pekinit. Në vitin 220 Para Erës Sonë, Kina bashkoi muret dhe fortifikatat e ndërtuara përgjatë shekujve me shpresën që do të mbronte veten nga “barbarët’ e veriut. (AP Photo/Vincent Thian, File)
Në këtë foto arkivë të 30 janarit 2002, një vizitor po ecën përgjatë fortesës Husteads të ndërtuar nga romakët përgjatë Murit të Hadrianit në Angli. Ky mur shënonte kufirin më verior të Perandorisë Romake dhe u ndërtua me synimin për të mbajtur jashtë “barbarët” e veriut. (AP Photo/Dave Caulkin, File)
Në këtë foto të 19 qershorit 2015, palestinezë të rinj po përdorin një shkallë për t’u ngjitur mbi murin ndarës me Izraelin në Al-Ram, Jeruzalem. Izraeli ka ndërtuar shumë mure dhe gardhe, përfshirë barrierën ndarëse të Bregut Perëndimor e cila pritet të jetë 700 kilometra e gjatë kur të përfundohet. Izraeli pretendon se muri synon ta mbrojë atë nga sulmuesit palestinezë ndërsa palestinezët thonë se ai mur përbën një grabitje toke që synon të ndalojë ndërtimin e një shteti të pavarur palestinez. (AP Photo/Majdi Mohammed, File)
Në këtë foto të 10 qershorit 2013, një grua po vadit lulet në një zonë protestante në lindje të Belfastit në Irlandën e Veriut. Një mur i lartë i mbiquajtur “Muri i Paqes” ndaj zonën protestante nga ajo katolike. Kryeqyteti i Irlandës së Veriut mbetet i ndarë aktualisht nga shumë mure dhe barrikada me tela me gjemba edhe dy dekada pas nënshkrimit të paqes mes kryengritësve irlandezë katolikë dhe qeverisë së Britanisë së Madhe. (AP Photo/Peter Morrison, File)
Një refugjat po mban në krahë një tjetër përgjatë hekurudhës që lidh Serbinë me Hungarinë më 26 gusht 2015. Mbi 10 mijë refugjatë kanë mbërritur në Hungari përgjatë ditëve të fundit ndërkohë që Hungaria është duke ndërtuar gardhin e vet shumëmilionësh, i cili konsiderohet një investim i kotë pasi vështirë se mund të ndalojë ndokënd. (AP Photo/Darko Bandic)
Në këtë foto arkivë e 10 nëntorit 1989, berlinezët po këndojnë dhe kërcejnë mbi Murin e Berlinit pranë portës së Brandeburgut për të festuar ditën pas hapjes së kufirit mes Gjermanisë Lindore dhe Asaj Perëndimore. Gjermania lindore ndërtoi 155 kilometra mure si një “mur mbrojtës anti-fashist” me arsyetimin se do të mbronte qytetarët e vet nga Perëndimi por që në fakt kishte synimin për të ndaluar nënshtetasit e Gjermanisë Lindore nga emigrimi në perëndim. (AP Photo/Thomas Kienzle, File)
