Një festival për intelektualët alternativë dhe majtistë, që po mbahet në qytetin bregdetar të Sibenikut në Kroaci, po vë theksin te antifashizmi dhe rritja e nacionalizmit në rajon.
Mendimtarët, gazetarët, shkrimtarët, priftërinjtë radikalë dhe historianët majtistë nga i gjithë Ballkani perëndimor, Greqia dhe Gjermania do të mblidhen në Sibenik të Kroacisë për katër ditë debate, tryeza të rrumbullakëta, leksione, ekspozita, promovime librash dhe shfaqje filmash.
Eventi i madh është festivali i tretë vjetor i alternativës dhe e majta, quajtur FALIS, që filloi të mërkurën në qytetin bregdetar kroat.
Festivali i këtij viti i është dedikuar antifashizmit dhe 70-vjetorit të fundi të Luftës së Dytë Botërore, ndërsa kujton gjithashtu një betejë të famshme partizane jugosllave në lumin Sutjeska, në Bosnje-Hercegovinë.
Në këtë betejë, 18,000 partizanë jugosllavë ia mbathën rrethimit dhe shkatërrimit të 127,000 forcave naziste, megjithëse humbën një të tretën e trupave.
Logo e festivalit shfaq një kryq të kuq partizan dhe figura të njerëzve nga Sibenik të cilët morën pjesë dhe vdiqën në betejë.
Organizatorët e festivalit thonë se ata po i përmbahen idesë së antifashizmit këtë vit sepse thonë se retorika nacionaliste është rritur në rajon.
Në vitet e mëparshme, festivali iu dedikua fabrikave të periudhës socialiste të cilat dolën jashtë funksionimit.
Organizuesit janë shkrimtari dhe gazetari boshnjak Emir Imamoviç, i cili jeton në Sibenik, shkrimtari dhe redaktori kroat Kruno Lokotar dhe filozofi e publicisti kroat Srecko Horvat, një bashkautor i librit “Çfarë do Europa” me filozofin slloven Slavoj Zizek, libër i publikuar në vitin 2014.
