Stuhia e stërmadhe e dëborës godet Amerikën (Fotogaleri)

Njerëzit po nxjerrin makinat nga dëbora në Aleksandria, Virxhinia në SHBA të dielën më 24 janar 2016. (AP Photo/Cliff Owen)

Së paku 19 njerëz humbën jetën në aksidente të shkaktuara nga moti i egër pasi një stuhi dëbore me përmasa të stërmëdha goditi një territor të gjerë në bregun lindor të Amerikës duke hedhur deri në 1 metër dëborë.

Ben Osborn po ecën pranë një rreshti makinash të mbuluar nga dëbora në verilindje të Uashingtonit më 24 janar 2016. Uashingtoni u bllokua nga dëbora deri në atë pikë sa të hënën qeveria federale njoftoi se institucionet e saj do të qëndrojnë të mbyllura. (AP Photo/Carolyn Kaster)

Gurët e varreve janë pothuajse tërësisht të mbuluara nga dëbora në Varrezat Kombëtare të Arlingtonit në Arlington, Virxhinia në SHBA. (AP Photo/Alex Brandon)

Një këmbësor po ecën përgjatë një bulevardi të boshatisur në Riçmond, Virxhinia të shtunën më 23 janar 2016. Në këtë shtet dhjetëramijëra njerëz mbetën pa energji elektrike si pasojë e defekteve të shkaktuara nga stuhia. (AP Photo/Steve Helber)

Kalimtarët po çajnë me vështirësi rrugën e mbuluar nga dëbora në Parkun Qendror të Nju Jorkut të dielën më 24 janar 2016. Nju Jorku u mbulua nga dëbora. Në Nju Jork ranë deri në 68 centimetra dëborë duke e bërë këtë stuhinë e dytë më të rëndë të regjistuar në histori. (AP Photo/Craig Ruttle)

Një automjet ushtarak Humvee po ecën përgjatë rrugëve të Uashingtonit ndërsa në të dy anët e rrugës janë bërë pirgje të mëdha me dëborë më 24 janar 2014. Miliona amerikanë filluan të nxjerrin makinat e mbuluara nga dëbora të dielën pasi stuhia e stërmadhe e shoqëruar me erë me forcën e uraganeve hodhi një sasi rekord dëbore në pjesën më të madhe të Bregut Lindor të SHBA-së. (AP Photo/Nick Wass)

Shawn Covelly po shtyn dëborën nga dritarja e tij më 24 janar 2015 në Touson Meriland. (AP Photo/Steve Ruark)

Stuhia e stërmadhe e dëborës godet Amerikën (Fotogaleri)

Kosova dështon në integrimin e serbëve të Mbrojtjes Civile

Mes protestave në Tiranë, Rama kërkon “fajtorë” edhe në radhët e veta

Kur media humbet memorien

Argumentet e KPA për konfirmimin në detyrë të prokurorit Genci Qana

Kriza në Bibliotekën “Vaclav Havel” vë në pikëpyetje trashëgiminë e një ikone çeke

Retorika e Ramës kundër shqiptarëve të rajonit kritikohet si përçarëse

Strasburgu i jep të drejtë prokurorit Ferdinand Elezi