Bisedimet për kapitujt më të rëndësishëm të bisedimeve për anëtarësim mes Serbisë dhe Brukselit mund të hapen në fillim të qershorit, tha një ekspert, pasi komisioneri për zgjerimin Hahn lavdëroi progresin e arritur deri tani.
Bojan Elek, nga një organizatë që monitoron progresin e Serbisë drejt BE-së, Qendra për Politika të Sgurisë, tha të mërkurën se Serbia mund të jetë e aftë të hapë bisedime mbi kapitullin e 24 të integrimit në Bashkimin Europian në qershor.
Ai po fliste pasi Komisioneri i BE-së për Zgjerimin, Johannes Hahn, të mërkurën, konfirmoi se Serbia pati bërë progres në kapitullin 24, duke shtuar se Serbia ka ecur përpara në reformat në gjyqësor dhe rrjedhimisht nga mesi i këtij viti bisedimet për të mund të hapen.
“Serbia mund të hapë kapitullin 24 në qershor,” tha Elek për BIRN.
Qendra për Politika të Sigurisë është pjesë e një koalicioni organizatash të quajtura PrEUgovor, të cilat monitorojnë procesin e integrimit të Serbisë në BE.
Kapitulli 23, mbi drejtësinë dhe të drejtat themelore dhe kapitulli 24, mbi lirinë dhe sigurinë, konsiderohen si më të vështiran të rrugën e Serbisë drejt anëtarësimit.
“Ka pasur progres në lidhje me Kapitullin 24,” deklaroi Hahn. “Në kuptimin e Kapitullit 23, ne kemi disa gjëra që duhet të bëhen, por jam ende sërish i bindur se është e mundur që të hapen këto kapituj nga mesi i viti,” tha Hahn pas një takimi me Ministren e Intergimit Europian të Serbisë Jadranka Joksimovic.
Serbia hapi dy kapitujt e parë në Bruksel në mes të dhjetorit – kapitullin 35 mbi normalizimin e marrëdhënieve me Kosovën dhe kapitullin 32 që lidhet me kontrollin financiar.
Gjithsesi, shumica e ekspertëve mendojnë se kapitujt 23 dhe 24 do të jenë më të vështirat për t’u realizuar për Serbinë.
“Hapja e kapitujve është gjithmonë një vendim politik. Por, zbatimi i standardeve të BE-së është një çështje tjetër ku BE-ja mbështetet te e ashtuquajtura “rrugëtim”, ku ata shohin rezultatet e vërteta në fushat specifike,” tha Elek.
Raporti i fundit i Komisionit Europian për progresin e Serbisë, i publikuar në nëntor, tha se ky vend ka nevojë të bëjë më shumë në kuptim të luftës kundër korrupsionit, ndalimit të ndikimit politik mbi sistemin e drejtësisë dhe sigurimin e lirisë së medias dhe lirisë së shprehjes.
Këshilli i Europës i dha Serbisë statusin e vendit kandidat për anëtarësim më 1 mars 2012.
Konferenca e parë ndërqeveritare mes Serbisë dhe BE-së u zhvillua në janar 2014 në Bruksel, duke e shënuar fillimin e bisedimeve për anëtarësim në nivel politik.