Filmi i ri i Star Wars do të filmohet pjesërisht në Dubrovnik të Kroacisë në mars, duke i sjellë akoma më shumë prestigj qytetit te adhuruesit e filmave dhe duke e reklamuar botërisht.
Pas disa javësh spekulimi, qyteti kroat i Dubrovnikut të premten konfirmoi se pjesë të fundit filmit më të fundit të “Star Wars” do të filmohen atje në mars.
Filmimi i serisë së tetë të “Start Wars” do t’i sjellë prestigj shtesë dhe do të reklamojë botërisht destinacionin e quajtur shpesh si “Perla e Adriatikut”.
Pasi ishte lokacioni i një prej serive më të ndjekura të të gjitha kohërave, dramës fantazi “Game of Thrones”, muret mesjetare të Dubrovnikut tani do të jenë sfond i një tjetër realizimi të njohur.
Te “Game of Thrones”, Dubrovniku shërbeu si qendra e “King’s Landing” një nga mbretëritë e trilluara në seri.
“Game of Thrones” tërhoqi një seri fansash në qytet, që kërkonin të shihnin vendin ku ishte filmuar.
Megjithëse filmimi do të zgjasë vetëm një javë dhe nuk dihet se çfarë vendi do të përfaqësojë, lidhja do t’i shërbejë shumë mirë imazhit të qytetit mes fansave të filmave.
Kryebashkiaku i Dubrovnikut, Andro Vlahusiç shkoi të enjten në San Françisko për t’u takuar me producentët e Star Wars, kompaninë prodhuese Lucasfilm ltd dhe krijuesin George Lucas.
Diznej e bleu Lucasfilm për 3.5 miliardë euro në vitin 2012.
Filmi i ri i “Star Wars” do të dalë në kinema në dhjetor 2017.
Filmi i shtatë dhe i fundit pati premierën në dhjetor dhe ka mbledhur tashmë 1.8 miliardë euro, duke e bërë një nga më fitimprurësit e të gjitha kohërave. Zyrtarët e Diznej vlerësojnë se filmi i tetë do të sjellë akoma më shumë para.
I pari ndër serinë e “Star Wars”, u shfaq në kinema në vitin 1977.