Vendasit në Plovdiv formuan një zinxhir njerëzor të hënën për të ndaluar shkatërrimin e një magazine ikonë të viteve 1920 duke nxitur autoritetet të veprojnë.
Vendasit në qytetin jugor bullgar, Plovdiv formuan një zinxhir njerëzor të hënën për të ndaluar shembjen e një magazine shumë të dashur duhani, ndërtuar në vitet 1920.
Shkatërrimi i ndërtesës së njohur nga pronari privat filloi të dielën dhe provokoi një zemërim te artistët, arkitektët dhe njerëzit e zakonshëm në Plovdiv, që organizuan një protestë në rrjetet sociale.
“Kjo ndërtesë është një pjesë e fytyrës së Plovdiv, pjesë e identitetit tonë dhe një monument kulture, po aq e rëndësishme sa çdo ndërtesë tjetër,” tha për BIRN Denitsa Toneva, që mori pjesë në zinxhirin njerëzor të hënën.
Ndërtesa është një pjesë e të ashtuquajturit “Qytet i Duhanit” një kompleks magazinash të Orient Tabaço – dikur një nga eksportuesit më të mëdhenj të duhanit në botë – dhe është përfshirë në programin e Plovdiv si një Qendër Europiane Kulture në 2019.
Në shtator 2015, kryebashkiaku Ivan Totev lajmëroi se kompleksi do të kthehej në një zonë të re urbane arti dhe të gjithë ndërtesat, braktisur deri në rrënim në 20 vitet e fundit, do të rinovohen.
Rezultoi megjithatë, se magazina është një pronë private e kompanisë “PJ Trade”, që mori leje ndërtimi në zonë në vitin 2010 dhe që informoi bashkinë për planin e shkatërrimit të ndërtesës në shkurt.
Raportimet e medias thonë se plani i investitorit është ta zëvendësojë magazinën me një hotel luksoz 10-katësh.
Sipas Ivan Totev, pronarë e magazinës së duhanit kanë të drejtën ligjore ta shkatërrojnë atë, pasi nuk është listuar si një monument kulture për shkak të një gabimi teknik. Një tjetër ndërtesë në anën tjetër të rrugës u vu në mbrojtje nga shteti, shpjegoi ai të hënën.
Si rezultat i presionit publik, komuna ndaloi shembjen dhe zyra e prokurorit publik ka nisur investigimin për dhënien e lejes te pronarët për shembjen e ndërtesës.
Ministria e kulturës ndaloi shembjen pas deklarimit se ndërtesa është projektuar si një monument kulture që në vitin 1977.
Ekspertët dhe aktivistët shprehën dyshime se autoritetet në Plovdiv nuk ishin në dijeni të statusit special të magazinës.
Dhoma e arkitektëve në qytet i ka bërë thirrje komunës të detyrojë pronarin të restaurojë ndërtesën, fasada e së cilës është shkatërruar thuajse komplet.
Të gjithë aktivitetet në lidhje me ndërtesat e projektuara si një pjesë e trashëgimisë kulturore bullgare duhet të jenë të koordinuar me Institutin Kombëtar për Trashëgiminë Kulturore.
