Gjykata e OKB-së në Hagë e shpalli liderin e Partisë Radikale Serbe, Vojisllav Sheshel, jo fajtor për krime kundër njerëzimit, përfshirë vrasje, persekutim dhe dëbime në Bosnjë dhe Hercegovinë, Kroaci dhe Serbi.
Gjykata Penale Ndërkombëtare për ish-Jugosllavinë të enjten e shpalli liderin nacionalist të Partisë Radikale Serbe Vojisllav Sheshelj të pafajshëm për të nënta akuzat në padinë e tij, duke e liruar atë nga akuzat për krime kundër njerëzimit, vrasje dhe persekutim, torturim dhe dëbim.
“Propaganda e ideologjive nacionaliste nuk është vepër penale” tha gjykatësi Jean-Claude Antonetti.
Ai tha se prokuroria nuk ka arritur të tregojë një lidhje konkrete mes fjalimeve nacionaliste të Sheshelit dhe krimeve të kryera në Bosnje dhe Herzegovinë, Kroaci dhe Serbi.
Gjykata e liroi Vojisllav Sheshelin nga akuzat për krime kundër njerëzimit, duke thënë se nuk kishte “asnjë provë vendimtare ligjore” për ta dënuar atë.
Antonetti tha se prokuroria nuk arriti të vërtetonte se ka pasur një sulm të gjerë dhe sistematik ndaj civilëve jo-serbë gjatë periudhës së përmendur në aktakuzë.
Ai tha se trupi gjykues nuk mundi ta hidhte poshtë argumentin e të pandehurit se civilët u larguan nga zonat e luftës për t’u strehuar dhe se autobusët që largonin kroatët e kishin bërë këtë për arsye humanitare dhe se nuk po i largonin ata me dhunë.
Gjykata e liroi gjithashtu Sheshelin nga akuzat për vrasje, tortura, plaçkitje, shkatërrim dhe shkatërrim të disa vendeve në Bosnjë dhe Kroaci, duke thënë se nuk kishte “prova të mjaftueshme” për ta dënuar atë.
Ajo tha se projekti i tij për të krijuar një “Serbi të Madhe” ishte një plan politik, jo një plan kriminel dhe se kishte “baza të arsyeshme” për të thënë se vendosja e tij e vullnetarëve paraushtarake ishte për “të mbrojtur civilët”.
“Trupi gjykues nuk është i kënaqur që rekrutimi/vendosjen e vullnetarëve nënkupton se Vojisllav Shesheli ishte në dijeni të krimeve të kryera në terren dhe as që ai udhëzoi apo urdhëroi kryerjen e krimeve,” tha gjyqtari.
Shesheli, i cili i mohoi akuzat, tha në një konferencë për shtyp në Beograd pas dhënies se vendimit se ai ishte përligjur nga lirimi i tij nga akuzat.
“Pas kas shumë çështjesh kundër serbëve të pafajshëm, dy gjykatës të nderuar treguan se nderi dhe reputacioni qëndrojnë mbi politikën,” tha ai.
“Megjithatë, me këtë lirim nga akuzat, qëndrimi im për ICTY-në si një gjykatë anti-serbe, nuk ka ndryshuar aspak,” tha ai.
Ai këmbënguli se ideja e një “Serbie të madhe” ishte “e pavdekshme”.
“Nuk ndihem fajtor për asgjë nga ato që ndodhën në vitet 1990,” tha ai.
Gjatë gjykimit, prokuroria u përpoq të vërtetojë se Shesheli mobilizoi jo vetëm krahun e armatosur të Partisë së tij Radikale Serbe, por edhe forca të tjera serbe, duke i nxitur ata të persekutonin kroatët dhe boshnjakët.
Ajo pretendoi se grupi i tij paraushtarak “Sheshelvci” ( Burrat e Sheshelit), i përbërë nga vullnetarë serbë, thuhet se dëboi me dhunë dhjetëra mijëra jo-serbë dhe vrau mijëra të tjerë. Shesheli i mohoi akuzat.
Gjyqi i tij maratonë pa një sërë skandalesh dhe ndërprerjesh, me liderin e Partisë Radikale Serbe duke e tallur në mënyrë të vazhdueshme gjykatën e OKB-së dhe duke refuzuar të kthehet atje për të dëgjuar vendimin të enjten, pasi u lirua për trajtim të kancerit në vitin 2014.
Ky ishte vendimi i parë që u dha nga Gjykata e Hagës pa të pandehurin të pranishëm në sallën e gjyqit për ta dëgjuar atë.
Shesheli ka ndenjur në Beograd që kur iu dha lirim i përkohshëm nga paraburgimi në Hagë në nëntor 2014 për shkaqe humanitare në mënyrë që t’i nënshtrohej trajtimit të kancerit.
Që prej lirimit të tij, ai ka udhëhequr protesta nacionaliste dhe ka bërë një sërë deklaratash të ashpra që kanë zemëruar viktimat e luftës dhe ka refuzuar vazhdimisht të rikthehet atje për të dëgjuar vendimin e gjyqit të tij.
Gjykata fillimisht kërkoi rikthimin e tij, por më pas e tërhoqi kërkesën e saj dhe tha se kishte pranuar një argument nga qeveria serbe se ishte e pamundur të ndërpritej trajtimi i tij mjekësor apo që ai ta vazhdonte atë në Hagë.
Shesheli u dorëzua vullnetarisht në vitin 2003, por gjyqi i tij filloi vetëm në vitin 2007, pas një sërë vonesash dhe pengesash, duke përfshirë edhe një grevë urie.
