Partia e koalicionit qeverisës në Maqedoni ka tërhequr ministrat e vet nga qeveria e përkohshme e ngarkuar me mbajtjen e zgjedhjeve të qershorit, duke ngritur pikëpyetje rreth motiveve.
Bashkimi Demokratik për Integrim, një parti etnike shqiptare në Maqedoni, tha se po i tërhiqte ministrat e vet nga qeveria e përkohshme duke i dhënë autoritet kreut të vet Ali Ahmetit të vendosë hapat e ardhshëm.
Deputeti i BDI dhe shefi i kabinetit të Ahmetit, Artan Grubi, mohoi të shpjegonte motivet për lëvizjen surprizë për NOVA TV të premten, por tha se një deklaratë me shkrim e partisë “do të shpjegojë motivet për largimin nga qeveria” së shpejti.
Në mënyrë jozyrtare, burime nga BDI i thanë BIRN se një faktor ishte publikimi i bisedave private të përgjuara në rrjetet sociale, që dyshohet se përmbajnë zërat e zyrtarëve të njohur të BDI, që partia trembet se mund t’i dëmtojë reputacionin përpara zgjedhjeve të qershorit.
“Nuk e kuptojmë përse institucionet që janë të detyruara të hetojnë njerëzit që publikojnë biseda të tilla private kanë heshtur,” tha një zyrtar i BDI për BIRN.
Social Demokratët në opozitë, shkurtin e kaluar publikuan përgjime nga kabineti i Gruevskit dhe akuzuan kryeministrin se kishte përgjuar rreth 20,000 persona.
Megjtihatë, partia tha se nuk i kishte publikuar përgjimet e reja.
“Të gjitha materialet e përgjuara që SDSM ka poseduar i janë dorëzuar Prokurorisë Speciale,” thanë Social Demokratët, duke iu referuar organit që heton pretendimet për përgjime.
Dorëheqjet e BDI vijnë vetëm një javë përpara se parlamenti të shpërndahet më 7 prill përpara zgjedhjeve të 5 qershorit.
Media pro-qeveritare e portretizoi lëvizjen e BDI si në bashkëpunim me VMRO-DPMNE për të siguruar mbajtjen e zgjedhjeve më 5 qershor.
Dy partitë kanë qenë në koalicion prej tetë vitesh.
Disa thonë megjithatë se lëvizja e BDI mund t’i hapë rrugën formimit të një shumice të re, që mund të izolojë VMRO DPMNE, që kontrollon më pak se gjysmën e 123 vendeve në parlament pa BDI.