Republika Srpska do të shpenzojë 20, 460 euro nga fondet e saj publike për të mbuluar shpenzimet personale të të pandehurve për krime lufte Radovan Karaxhiç, Ratko Mlladiç dhe të tjerë.
Të katër të pandehurve për krime luftë në Gjykatën e Hagës që janë nga Republika Srpska , të cilët po mbahen në Njësinë e Paraburgimit të OKB-së në Scheveningen, do t’u jepen para nga buxheti i Republikës Srpska për të mbuluar shpenzimet e tyre personale, tha të martën Milorad Kojiç, drejtori i Qendrës së Republikës për Hetim të Lyftës, Krimeve të Luftës dhe Kërkimeve për të Zhdukurit.
“Një total prej 40,000 BAM (rreth 20,460 euro) janë në dispozicion. Ato do të ndahen në shuma të barabarta për secilin prej tyre çdo muaj deri në fund të vitit,” tha Kojiç.
Kojiç tha se pagesat e para mund të bëhen muajin e ardhshëm.
Paratë do të shkojnë për Radovan Karaxhiçin, presidenti i parë i Republikës Srpska, i cili muajin e kaluar u dënua me 40 vjet burg për gjenocid dhe krime të tjera, dhe ish-komandantin ushtarak serb të Bosnjës, Ratko Mlladiç, i cili është ende në gjyq.
Dy burrat e tjerë që do të marrin pagesa janë ish-ministri i brendshëm serb i Bosnjës, Mico Stanisiç dhe ish-shefi i shërbimeve të sigurisë rajonale, Stojan Zupljanin.
Të dy ish-zyrtarët e policisë serbe të Bosnjës u dënuan nga Gjykata e Hagës në vitin 2013 për një sërë krimesh lufte kundër boshnjakëve dhe kroatëve të Bosnjës gjatë konfliktit të viteve 1990, përfshirë vrasje, persekutim, torturim dhe dëbim. Vendimet e tyre të apelit priten të jepen në qershor.
Avokati i Mlladiçit, Miodrag Stojanoviç tha se paratë synonin të mbulojnë shpenzimet e pandehurve në mensë, faturat e telefonit, veshje dhe gjëra të tjera të domosdoshme.
“Paratë synohen ekskluzivisht për të pandehurit dhe jo për ekipet e mbrojtjes. Mbrojtjen e paguan Gjykata e Hagës,” tha Stojanoviç.
