Irani ka tashmë një njësi të “policisë së moralit” që do të vëzhgojë shtetasit. Shefi i policisë në Teheran, Hossein Sajedinia lajmëroi se 7000 oficerë policie, burra dhe gra, do të infiltrohen në publik për t’u siguruar se gratë ndjekin kodin islamik të veshjes, si dhe për të raportuar shoferët e papërgjegjshëm dhe ndotjen akustike. Disa iranianë e konsiderojnë muzikën e huaj si një formë të ndotjes akustike. Policia e moralit nuk do të veshë uniforma. Oficerët do të vëzhgojnë njerëzit dhe do të mbajnë shënime për t’ia raportuar më pas policisë normale. Lajmërimi tërhoqi kritika të ashpra në mediat sociale.
