Triumfi i Ermonela Jahos në Çmimet Ndërkombëtare të Operës i ka dhuruar shqiptarëve një gëzim më shumë në arenën botërore.
Adhuruesit e operës nga e gjithë bota po përshëndesin suksesin e këngëtares së operas Ermonela Jaho, të dielën në Çmimet Ndërkombëtare të Operas.
Jaho, e cila e arriti majën operistike kur kungoj rolin e “Suor Angelica” të Puçinit në Operën Mbretërore të Londrës në vitin 2011 dhe ku performon aktualisht, doli e para në sondazhin online të kategorisë Çmimi i Publikut.
Çmimet u themeluan në vitin 2012 për të rritur profilin e operas dhe për të njohur suksesin e atyre të përfshirë në këtë formë arti. Çmimet gjithashtu mbledhin para për Fondacionin Çmimet e Operës.
Prejardhja e Jahos ka tërhequr shumë interes në SHBA dhe Europën Perëndimore, ku pak e lidhin Shqipërinë ose shqiptarët me muzikën klasike. Të hënën, ajo ishte subjekt i një artikulli dy-faqësh në London Times.
E lindur në Shqipëri në 1974, Jaho u zhvendos në Itali në 1993 dhe qëndroi atje për dhjetë vjet. “Nuk doja të kthehesha,” tha ajo në një intervistë së fundmi. “Në Shqipëri, nën komunizmin, gjithashtu këndohej në shqip – shkoje në burg nëse flisje gjuhë tjetër”.
Megjithatë, të qenët një shqiptare në Itali pati gjithashtu problemet e veta, kujtoi ajo. “Na bënin të ndiheshim si qytetarë të shtresës së tretë,” tha ajo në të njëjtën intervistë.
Në vitin 2003, ajo shkoi në Nju Jork dhe ka qëndruar në SHBA që atëherë, megjithëse e viziton dissa herë në vit atdheun për të punuar me fondacione bamirësie.
Ajo ka performuar në një grup elitar operash, përfshirë Operën Shtetërore të Vienës, Operën Shtetërore Bavareze, Operën Metropolitan në Nju Jork, Operën e Parisit, Operën Shtetërore të Berlinit, Teatro Real në Madrid, Operën e Lionit dhe atë të Marsejës.
Megjithëse pak njerëz e lidhin Shqipërinë e varfër dhe kryesisht myslimane me operën, vendi në fakt ka prodhuar disa figura me peshë në këtë fushë. Përveç Jahos, të tjerë këngëtarë të njohur ndërkombëtarisht që kanë lindur në Shqipëri janë Inva Mula dhe Saimir Pirgu.
