Agjencia anti-korrupsion e Kosovës do të auditojë deklaratat e pasurisë së presidentit dhe kryeministrit, pas një shorti që përcakton se cilës zyrtarë publikë do të kalojnë në hetim të imtësishëm të pasurisë.
Asetet e deklaruara të kryeministrit të Kosovës Isa Mustafa dhe presidentit Hashim Thaçi do të bëhen objekt i një hetimi financiar nga Agjencia Kundër Korrupsionit në Kosovë.
Organi i anti-korrupsionit në shortin e tij vjetor javën e kaluar njoftoi se ndër e zyrtarët e tjerë të lartë, do të hetohen edhe pasuritë e Mustafës dhe Thaçit.
Sipas ligjit, 20 për qind e zyrtarëve publikë janë të detyruar të paraqesin deklaratat e pasurive të tyre vjetore për një auditim të mëtejshëm – një procedurë që bëhet nëpërmjet një shorti.
Si rezultat i shortit të këtij viti, agjencia do të hetojë edhe deklarimet e Hejredin Kuçit, zv/kryeministër dhe ministër i drejtësisë, dhe tre zv/ministra të tjerë.
Pasuritë e kryetarit të komunës së Prishtinës, Shpend Ahmeti dhe të kryetarit të komunës së Leposavicit, Dragan Jabllanovic, së bashku me ato të disa deputetëve, do të jenë gjithashtu subjekt i auditimit.
Drejtori i agjencisë së anti-korrupsionit, Hasan Preteni, tha se do të ngrihen akuza penale kundër të gjithë zyrtarëve që nuk deklarojnë pasurinë e tyre ose kanë mospërputhje në deklaratat e tyre.
“Kemi publikuar listat e të gjithë zyrtarëve që kanë deklaruar pasuritë e tyre dhe të atyre që nuk e kanë bërë,” tha Preteni, duke shtuar se 99 për qind e zyrtarëve kishin vepruar në përputhje me rregulloren.
Sipas organit të anti-korrupsionit, më shumë se 99 për qind e zyrtarëve publikë kanë deklaruar pasuritë e tyre, duke llogaritur që 4,319 deklarata nga një total prej 4,352 të tilla, dhe 805 deklarata zyrtarësh publikë do të auditohen.
Deklaratat e pasurive u bënë në fillim të vitit 2016 dhe mbulojnë pasuritë e vitit të mëparshëm.
Sipas deklaratave, fitimet e Thaçit u rritën në vitin 2015. Pasuria e tij totale arrin në 764,000 euro, e cila është 16,000 euro më e lartë se deklarimi i tij i fundit. Pjesa më e madhe e pasurisë së presidentit është në prona që kapin vlerën e 697,000 eurosh.
Të ardhurat e tij të deklaruara vjetore ishin më shumë se 32,000 euro, ndërkohë që ato të bashkëshortes së tij 18,000 euro. Të ardhurat vjetore të presidentit dhe bashkëshortes së tij ishin më shumë se 52,000 euro, me një rritje prej 20,000 eurosh në krahasim me deklarimin e tij të mëparshëm.
Pasuria e deklaruar e Mustafës tregon se ai ka në pronësi më shumë se 681,000 euro, rreth 6,000 euro më pak se në deklarimin e tij të mëparshëm të pasurisë.
Pasuritë e patundshme të Mustafës arrijnë një vlerë prej 503,000 eurosh – të njëjtën shifër si në deklarimin e tij të mëparshëm të pasurisë.
Kryeministri deklaroi gjithashtu aksione me një vlerë prej 80,000 eurosh, ose 16 për qind të aksioneve totale, në një institucion arsimor privat, Kolegji Riinvest.
Pasuria në total në banka e kryeministrit arrin një total prej 52,000 eurosh, me një rënie prej 20,000 eurosh nga deklarimi i tij i mëparshëm.
Të ardhurat e tij vjetore ishin më shumë se 46,000 euro, një rritje prej më shumë se 14,000 eurosh nga deklarimi i tij i mëparshëm.
Ndërkohë që pushteti ekzekutiv i Agjencisë Kundër Korrupsionit në Kosovë për auditim dhe raportim është i kufizuar, ajo mund të çojë raste specifike në prokurori, e cila më pas mund të vendosë nëse të ngrejë apo jo padi.